الماتىدا جالعان اقشا جاساۋشىلار ۇستالدى, دەپ حابارلايدى "ۇلت اقپارات" قر قارجى مينيسترلٸگٸ قارجىلىق مونيتورينگٸ كوميتەتٸنٸڭ باسپاسٶز قىزمەتٸنە سٸلتەمە جاساپ.
باسپاسٶز قىزمەتٸنٸڭ مەلٸمەتتەرٸنە قاراعاندا, قارجى مونيتورينگٸ كوميتەتٸنٸڭ الماتى قالاسى بويىنشا ەكونوميكالىق تەرگەۋ دەپارتامەنتٸنٸڭ قىزمەتكەرلەرٸ الماتى قالاسى مەن الماتى وبلىسى اۋماعىندا نومينالى 10 000 تەڭگە بولاتىن جالعان بانكنوتالاردى دايىنداۋ جەنە ٶتكٸزۋمەن اينالىساتىن ەكٸ تۇلعادان قۇرالعان قىلمىستىق توپقا قاتىستى سوتقا دەيٸنگٸ تەرگەۋدٸ اياقتادى.
تەكسەرۋ شارالارىن جٷرگٸزۋ بارىسىندا بٸر توپ تۇلعانىڭ الدىن-الا كەلٸسٸم بويىنشا ٶتكٸزۋ ماقساتىندا قازاقستان رەسپۋبليكاسى ۇلتتىق بانكٸنٸڭ جالعان بانكنوتالارىن دايىندايتىن استىرتىن تسەحتى ۇيىمداستىرعانى انىقتالدى.
جالعان اقشا دايىندايتىن تسەح رەتٸندە جابدىقتالعان پەتەردٸ تٸنتۋ بارىسىندا نوۋتبۋك, تٷرلٸ-تٷستٸ پرينتەر, سۋتاڭباسى بار ارنايى قاعاز, بوياۋ فلاكوندارى, ەكٸ جاعىندا 10000 تەڭگەلٸك سۋرەتتەرٸ (بلانكٸلەرٸ) بار ساندىق فايلدار, بانكنوت پەن ويۋ-ٶرنەكتٸڭ ورنىن الماستىراتىن فولگادان جاسالعان لەنتالار, كەڭسە تاۋارلارى جەنە قۇنى 220 000تەڭگەنٸ قۇرايتىن جالعان قاعاز اقشا تەركٸلەنٸپ الىندى.
«سوت ٷكٸمٸمەن ايىپتالۋشىلار قر قك 231 بابىنىڭ 2-ب. سەيكەس (جالعان اقشا نەمەسە باعالى قاعازدار جاساۋ, ساقتاۋ, الىپ ٶتۋ نەمەسە ٶتكٸزۋ) كٸنەلٸ دەپ تانىلىپ, استىرتىن تسەح ۇيىمداستىرۋشىلاردىڭ بٸرٸنشٸسٸنە 5 جىل, ەكٸنشٸسٸنە 3 جىل 6 اي مەرزٸمگە باس بوستاندىعىنان ايىرۋ جازاسى تاعايىندالدى.
