Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty
Aimaq

Almatyda jalańash er adam áýejai aýmaǵyna kirip, ushý-qoný jolaǵynda júgirgen

Ult portaly
Almatyda jalańash er adam áýejai aýmaǵyna kirip, ushý-qoný jolaǵynda júgirgen

kollaj: Tengrinews.kz

Almatyda jalańash er adam áýejaiǵa kirip, ushý-qoný jolaǵymen júgirdi, - dep habarlaidy Tengrinews.kz.

Áleýmettik jelide jalańash er adamnyń temir qorshaýdan asyp túsken videosy tarap jatyr. Kelesi kadrlarda ol ushaqtar mańynda júrgeni kórinedi. Ári qarai er adam jedeldete júgirip, qarańǵyǵa sińip ketedi. Kadrlarǵa qaraǵanda, bul - Almaty áýejaiy.

Bul rette videoǵa "Terminator" blokbasteriniń saýndtregi qoiylǵan. Bul kezdeisoq emes siiaqty, óitkeni er adamnyń áreketi film epizodyna uqsaidy.

Almaty halyqaralyq áýejaiy oqiǵa áýeailaq aýmaǵynda bolǵanyn rastady.

"Belgisiz er adam qorshaýdan sekirip ótip, perronǵa qarai júgirgen. Áýejaidyń Aviatsiialyq qaýipsizdik qyzmeti ony dereý ustap, Jelilik politsiia bólimine tapsyrdy. Qazir tergeý amaldary júrgizilip jatyr", - dedi áýejaidyń baspasóz qyzmeti ókilderi.

Kólik politsiiasy málimetinshe, oqiǵa keshe túnde bolǵan. Video keiipkeri - 25 jastaǵy er adam.

"6 sáýirde saǵat 00.10 shamasynda bul azamat sheshinip, Almaty áýejaiynyń jergilikti terminaly qorshaýynan ótken. Keiin ushý-qoný jolaǵyna qarai júgirgen. Sol jerde er adamdy Aviatsiialyq qaýipsizdik qyzmetkerleri ustady", - dedi Kóliktegi politsiia basqarmasy baspasóz qyzmeti ókilderi. 

Meditsinalyq saraptama ustalǵan azamat jeńil dárejede mas kúide bolǵanyn rastady.

"1997 jyly týǵan azamatqa qatysty birden úsh ákimshilik hattama toltyryldy. Atap aitqanda: QR ÁQBtK-nyń 440-baby "Alkogoldik ishimdikterdi ishý nemese qoǵamdyq oryndarǵa alkogoldik masań kúide kelý", 434-baby "Usaq buzaqylyq" jáne 564-baby "Áýejailardyń aýmaǵy arqyly tiisti ruqsatsyz ótý", - dep qosty departamenttegiler.

Ákimshilik materialdar sotqa joldanǵan.

Oqi otyryńyz