Almatyda eki zeinetkerdi pyshaqtap óltirgen er adamǵa qatysty sot úkimi shyqty. 81 jáne 89 jastaǵy qart kisilerdi tonap, aiýandyqpen óltirgen qylmysker ómir boiyna bas bostandyǵynan aiyryldy, dep habarlaidy "Ult aqparat".
Erli-zaiypty zeinetkerge qaraqshylyq shabýyl jasaý deregi boiynsha is qylmystyq ister jónindegi mamandandyrylǵan aýdanaralyq sotta qaraldy.
«Sot 2020 jyly shilde aiyda O. esimdi sottalýshy kólik satyp alý maqsatynda erli-zaiypty K. jáne A. atty zeinetkerlerdiń páterine zańsyz kirip, olarǵa shabýyl jasap, pyshaqpen qorqytyp, aqsha talap etken. Egde jastaǵy qariialar qarsylyq kórsetkende, sottalýshy olarǵa birneshe ret pyshaq salǵan. Qariialar oqiǵa ornynda kóz jumdy. Keiinnen sottalýshy 500 dollar jáne 360 myń teńge men uialy telefondy urlap ketken», - dep habarlady qalalyq sottyń baspasóz qyzmeti.
Sotta prokýror aiyptalýshyny 20 jylǵa bas bostandyǵynan aiyrýdy surasa, jábirlenýshi tarap ókilderi ómir boiyna bas bostandyǵynan aiyrý jazasyn surady.
Aiyptalýshy kinásin ishinara moiyndaǵan.
«Sot úkimimen O. eki adamdy óltirgeni jáne qaraqshylyq jasaǵany úshin kináli dep tanylyp, ómir boiyna bas bostandyǵynan aiyrý túrindegi eń qatal jazaǵa kesildi. Qatań jaza sottalýshynyń buryn da qaraqshylyq úshin sottalǵany jáne ol áreketinen sabaq almaǵany úshin taǵaiyndaldy. Kisi qolynan qaza tapqan zeinetkerler 81 jáne 89 jasta bolǵan», - dep tolyqtyrdy qalalyq sot.
Sot úkimi zańdy kúshine engen joq.
