الماتىدا ەكٸ زەينەتكەردٸ پىشاقتاپ ٶلتٸرگەن ەر ادامعا قاتىستى سوت ٷكٸمٸ شىقتى. 81 جەنە 89 جاستاعى قارت كٸسٸلەردٸ توناپ, ايۋاندىقپەن ٶلتٸرگەن قىلمىسكەر ٶمٸر بويىنا باس بوستاندىعىنان ايىرىلدى, دەپ حابارلايدى "ۇلت اقپارات".
ەرلٸ-زايىپتى زەينەتكەرگە قاراقشىلىق شابۋىل جاساۋ دەرەگٸ بويىنشا ٸس قىلمىستىق ٸستەر جٶنٸندەگٸ مامانداندىرىلعان اۋدانارالىق سوتتا قارالدى.
«سوت 2020 جىلى شٸلدە ايىدا و. ەسٸمدٸ سوتتالۋشى كٶلٸك ساتىپ الۋ ماقساتىندا ەرلٸ-زايىپتى ك. جەنە ا. اتتى زەينەتكەرلەردٸڭ پەتەرٸنە زاڭسىز كٸرٸپ, ولارعا شابۋىل جاساپ, پىشاقپەن قورقىتىپ, اقشا تالاپ ەتكەن. ەگدە جاستاعى قارييالار قارسىلىق كٶرسەتكەندە, سوتتالۋشى ولارعا بٸرنەشە رەت پىشاق سالعان. قارييالار وقيعا ورنىندا كٶز جۇمدى. كەيٸننەن سوتتالۋشى 500 دوللار جەنە 360 مىڭ تەڭگە مەن ۇيالى تەلەفوندى ۇرلاپ كەتكەن», - دەپ حابارلادى قالالىق سوتتىڭ باسپاسٶز قىزمەتٸ.
سوتتا پروكۋرور ايىپتالۋشىنى 20 جىلعا باس بوستاندىعىنان ايىرۋدى سۇراسا, جەبٸرلەنۋشٸ تاراپ ٶكٸلدەرٸ ٶمٸر بويىنا باس بوستاندىعىنان ايىرۋ جازاسىن سۇرادى.
ايىپتالۋشى كٸنەسٸن ٸشٸنارا مويىنداعان.
«سوت ٷكٸمٸمەن و. ەكٸ ادامدى ٶلتٸرگەنٸ جەنە قاراقشىلىق جاساعانى ٷشٸن كٸنەلٸ دەپ تانىلىپ, ٶمٸر بويىنا باس بوستاندىعىنان ايىرۋ تٷرٸندەگٸ ەڭ قاتال جازاعا كەسٸلدٸ. قاتاڭ جازا سوتتالۋشىنىڭ بۇرىن دا قاراقشىلىق ٷشٸن سوتتالعانى جەنە ول ەرەكەتٸنەن ساباق الماعانى ٷشٸن تاعايىندالدى. كٸسٸ قولىنان قازا تاپقان زەينەتكەرلەر 81 جەنە 89 جاستا بولعان», - دەپ تولىقتىردى قالالىق سوت.
سوت ٷكٸمٸ زاڭدى كٷشٸنە ەنگەن جوق.
