Almatyda buzaqy zeinetkerge pyshaqpen shabýyl jasady. Ony Radioelektronika jəne bailanys əskeri-injenerlik institýtynyń əskeri qyzmetshileri qutqardy. Osy oqiǵaǵa qatysty politsiia túsinikteme berdi, dep habarlaidy "Ult aqparat".
Almaty qalalyq PD baspasóz qyzmetiniń habarlaýynsha, 1948 jyly týǵan Ch. esimdi azamat politsiiaǵa aryzdandy.
«Bul oqiǵa týraly búgin Qorǵanys ministrliginen estidik. Arnaiy tekserý júrgizdik. Onyń jeke basyn anyqtadyq. Sóilestik. Nátijiesinde zeinetkerdi eshkim tonamaǵany anyqtaldy. Onyń aitýynsha, 24 sáýirde belgisiz bireý buzaqylyq nietpen qolyn pyshaqpen tilip, qashyp ketken. Búgin bul fakt sotqa deiingi tergeýdiń biryńǵai tizilimine QRQK 293 baby - buzaqylyq boiynsha tirkeldi. Qylmystyq protsesti Medeý aýdanynyń aýmaqtyq politsiia basqarmasy júzege asyrady. Kúdikti mindetti túrde ustalyp, jaýapqa tartylady «, - dedi Almaty qalasy DP-niń resmi ókili Saltanat Ázirbek.
Zeinetkerdiń aitýynsha, oqiǵa Ortalyq kolhoz bazary mańynda bolǵan.
«Maǵan 25-30 jas shamasyndaǵy bir jas jigit keldi. Ol menen temeki surady. Men shylym shekpeitinimdi aittym, sol kezde ol meniń qolyma jeńil jaraqat salyp, qashyp ketti «, - deidi zeinetker.
Aita keteiik, Radioelektronika jəne bailanys əskeri-injenerlik institýtynyń əskeri qyzmetshileri Dinmuhamed Altynbek pen Erzat Bekpolov Jangeldin jəne Júrgenov kósheleriniń qiylysynda jatqan egde jastaǵy er adamdy qutqardy.
