Almatyda zardap shekken kásipkerlerge 3,7 mlrd teńge qarjy tólendi, dep habarlaidy QazAqparat.
Qalalyq ákimdik taratqan málimetke sáikes, shaǵyn jáne orta biznes sýbektilerine múliktik zalaldy anyqtaý jónindegi aimaqtyq komissiia otyrysynda kásipkerlerdiń jalpy somasy 633,6 mln teńgege 119 ótinimi maquldandy.
Onyń ishinde 520,3 mln teńge somaǵa 60 ótinim biýdjet qarajaty esebinen, 113,3 mln teńgege 59 ótinim «Jańa Alataý» qaiyrymdylyq qorynyń qarjysynan tólendi.
«Almaty qalasy boiynsha (komissiia jumysy bastalǵannan beri) barlyq kezeńde 3 774,1 mln teńge somaǵa 1009 ótinim maquldandy, onyń ishinde biýdjet qarajatynan 2 796,2 mln teńge somaǵa 519 ótinim, «Jańa Alataý» qorynyń qarajysynan 977,9 mln teńge somaǵa 490 ótinim»,- delingen habarlamada.
Zardap shekken shaǵyn jáne orta biznes sýbektilerinen ótinishteri InfoKazakhstan saityna kelip túsedi.
Búginde Almatyda zardap shekken 1413 ShOB sýbektisi anyqtaldy.
