Almatynyń ortalyǵynda zańsyz salynǵan nysan súrildi. Bul týraly qalalyq sáýlet-qurylys baqylaý basqarmasy málim etti, - dep habarlaidy «Ult aqparat».
Almaty qalalyq sáýlet-qurylys baqylaý basqarmasy málim etkendei, qala turǵyny nysandy eshqandai ruqsatsyz, óz qalaýymen turǵyzǵan. Nysan Radostovets kóshesinde injenerlik kommýnikatsiialardyń ústine salynǵan.
«Qurylys kóptegen normaǵa sai kelmeidi. Sot talqylaýlary barysynda bizdiń talap aryzdarymyz qanaǵattandyryldy. Naqty sheshim shyqqannan keiin nysandy buzýǵa kiristik», - dep habarlady basqarmadan.
Sondai-aq, vedomstvodaǵylar menshik iesin QR Ákimshilik quqyq buzýshylyq týraly kodeksiniń 316-baby 1-bóligi, 321-baby, 323-baby jáne 463-babynyń 1-bóligi boiynsha ákimshilik jaýapqa tartqanyn atap ótti.
Buǵan deiin Qarasai batyr men Áitiev kósheleriniń qiylysyndaǵy kólik jýý orny men birneshe kommertsiialyq nysandardyń buzylǵany týraly jazǵan bolatynbyz.
