Almatynyń Bostandyq aýdanynda zańsyz salynǵan 250-ge jýyq garajdy buzý josparlanǵan. Bul týraly aýdan ákimi Altai Rahymbetov málim etti, dep habarlaidy QazAqparat.

Óńirlik kommýnikatsiialar qyzmetiniń brifinginde aýdan ákimi Altai Rahymbetovtan jýrnalister aýdan aýlalaryndaǵy zańsyz salynǵan garajdar men qosalqy qurylystar máselesi qashan sheshiletinin surady. 

«Biz bul jumystardy qolǵa aldyq. Ókinishke orai, búgingi kúni bizde aýla aýmaqtarynda, kóshelerde ornalasqan osyndai 500-ge jýyq nysan bar. Basym bóliginiń tiisti qujaty joq, biraq ieleri olardy barlyq jolmen qaldyrýǵa tyrysady. Mundai jaǵdailarda sotqa júginýimizge týra keledi, bul biraz ýaqytty alady. Biz bul jumysty jalǵastyramyz, kelesi jyly zańsyz turǵan 250-ge jýyq garajdy buzýdy josparlap otyrmyz», - dedi aýdan ákimi.