الماتىنىڭ بوستاندىق اۋدانىندا زاڭسىز سالىنعان 250-گە جۋىق گاراجدى بۇزۋ جوسپارلانعان. بۇل تۋرالى اۋدان ەكٸمٸ التاي راحىمبەتوۆ مەلٸم ەتتٸ, دەپ حابارلايدى قازاقپارات.
ٶڭٸرلٸك كوممۋنيكاتسييالار قىزمەتٸنٸڭ بريفينگٸندە اۋدان ەكٸمٸ التاي راحىمبەتوۆتان جۋرناليستەر اۋدان اۋلالارىنداعى زاڭسىز سالىنعان گاراجدار مەن قوسالقى قۇرىلىستار مەسەلەسٸ قاشان شەشٸلەتٸنٸن سۇرادى.
«بٸز بۇل جۇمىستاردى قولعا الدىق. ٶكٸنٸشكە وراي, بٷگٸنگٸ كٷنٸ بٸزدە اۋلا اۋماقتارىندا, كٶشەلەردە ورنالاسقان وسىنداي 500-گە جۋىق نىسان بار. باسىم بٶلٸگٸنٸڭ تيٸستٸ قۇجاتى جوق, بٸراق يەلەرٸ ولاردى بارلىق جولمەن قالدىرۋعا تىرىسادى. مۇنداي جاعدايلاردا سوتقا جٷگٸنۋٸمٸزگە تۋرا كەلەدٸ, بۇل بٸراز ۋاقىتتى الادى. بٸز بۇل جۇمىستى جالعاستىرامىز, كەلەسٸ جىلى زاڭسىز تۇرعان 250-گە جۋىق گاراجدى بۇزۋدى جوسپارلاپ وتىرمىز», - دەدٸ اۋدان ەكٸمٸ.
