Almaty qalasynda 1 930 oqýshyǵa arnalǵan bes jańa mektep pen 800 oryndyq úsh balabaqshanyń qurylysy júrgizilýde. Sonymen qatar Alǵabas shaǵyn aýdanynda kolledj, eki Oqýshylardyń shyǵarmashylyq ortalyǵy salynyp, qoldanystaǵy bilim berý uiymdaryn rekonstrýktsiialaý jáne seismikalyq kúsheitý jumystary jalǵasýda, dep habarlaidy ult.kz.
Bul týraly Óńirlik kommýnikatsiialar qyzmetiniń alańynda ótken baspasóz máslihatynda Almaty qalasy Qurylys basqarmasynyń basshysy Nurbol Nursaǵatov málimdedi.
Onyń aitýynsha, qazirgi ýaqytta №16, №112 jáne №170 mektepterge japsarjailardyń qurylysy júrip jatyr. Paidalanýǵa berilgennen keiin bul mektepterde 900 jańa oqýshy orny ashylady. Sonymen qatar 10 mektep pen 2 balabaqshada rekonstrýktsiialaý jáne seismikalyq kúsheitý jumystary júrgizilýde.
"Jyl basynan beri Almatyda jeti bilim berý nysany paidalanýǵa berildi. Atap aitqanda, Zerdeli shaǵyn aýdanyndaǵy 550 oryndyq mektep, Shuǵyla shaǵyn aýdanyndaǵy 340 oryndyq mektep-internat, Quramys, Jas-Qanat jáne Qalqaman shaǵyn aýdandaryndaǵy jalpy 820 oryndyq úsh balabaqsha, seismikalyq kúsheitý jumystary júrgizilgen №10 bóbekjai-balabaqshasy, sondai-aq Saialy shaǵyn aýdanyndaǵy Oqýshylardyń shyǵarmashylyq ortalyǵy paidalanýǵa berildi.
Jyl sońyna deiin taǵy 15 nysandy paidalanýǵa berý josparlanyp otyr. Onyń ishinde Zerdeli shaǵyn aýdanynda jáne Eńbek kóshesinde ornalasqan eki mektep (jalpy 890 oryn), №16, №112 jáne №170 mektepterge salynǵan úsh japsarjai (900 oryn), toǵyz mektepti rekonstrýktsiialaý jáne seismikalyq kúsheitý, sondai-aq Tilendiev kóshesinde balabaqsha salý kózdelgen", – dedi basqarma basshysy.
Qazirgi ýaqytta 14 nysan boiynsha jobalaý-smetalyq qujattama ázirlenip jatyr. Ony jyl sońyna deiin aiaqtaý josparlanǵan.
Sonymen qatar №87 mektepke 300 oryndyq japsarjai salý jáne №112 mektepti rekonstrýktsiialaý jobalary memlekettik saraptamanyń oń qorytyndysyn aldy. Atalǵan nysandarda qurylys-montaj jumystaryn qazan aiynda bastaý josparlanǵan.
Budan bólek, Almatyda bilim berý salasy boiynsha taǵy 16 jobany iske asyrý jalǵasýda. Olardyń qatarynda eki Oqýshylardyń shyǵarmashylyq ortalyǵynyń, balabaqshalardyń qurylysy, Fizika-matematika mektebin rekonstrýktsiialaý jáne basqa da nysandar bar.
Sondai-aq 18 mektepke deiingi bilim berý jáne 2 orta bilim berý nysany, barlyǵy 20 joba boiynsha jobalaý-smetalyq qujattama ázirlenýde. Memlekettik saraptamanyń oń qorytyndysy alynǵannan keiin olardyń qurylysyn 2027 jyly bastaý josparlanyp otyr.
Baspasóz máslihatynda Nurbol Nursaǵatov mektepterdi jańǵyrtý baǵdarlamasynyń iske asyrylýyna da toqtaldy.
Onyń aitýynsha, 2027 jyldyń sońyna deiin Almaty qalasyndaǵy 31 mektepti jańǵyrtý josparlanǵan. Qazirgi ýaqytta 6 nysanda qurylys jumystary júrgizilýde, 2 joba boiynsha merdigerdi aiqyndaý rásimderi ótip jatyr, al 14 nysanǵa jobalaý-smetalyq qujattama ázirlenýde.
