2021 jylǵy 25 qarashada Almatyda media indýstriianyń negizgi oiynshylarynyń kásibi pikirtalas alańy jáne qazaqstandyq BAQ naryǵyn damytý máseleleri boiynsha jyl saiynǵy jetekshi salalyq konferentsiia — XIII respýblikalyq «Media Quryltai» ótedi.
Qazaqstan Baspasóz klýby uiymdastyratyn jiyn barysynda qatysýshylar naryqtyń eń kúrdeli máseleleri men syn-qaterlerin talqylaidy, konsensýs pen sheshimder jolyn qarastyrady, media-biznesti damytýdyń tabysty strategiialaryna tiesili tájiribesimen bólisedi jáne tiimdiligi joǵary networking qamtamasyz etiledi.
«Media Quryltai 2021» pandemiiaǵa bailanysty media indýstriiaǵa serpin berý, BAQ-qa senim, zańnama, media-biznesti basqarýdaǵy jańa úderister t.b. máselelerge arnalady.
«Media Quryltai» ótkizilgen 12 jyl ishinde oǵan 2000-nan astam adam qatysty. Atalǵan jiyndy qatysýshylar, sarapshylar jáne BAQ ókilderi joǵary baǵalady.Media Quryltaida uiymdastyrýshylar salanyń damý barysyn anyqtaityn kásibi aýditoriia – quryltaishylar, menshik ieleri, BAQ redaktorlary, memlekettik qurylymdar jinalady.
BAQ-tyń jumys tájiribesinde, kommýnikatsiialarda jáne GR, bizneste qoldanylatyn, sondai-aq, jýrnalistika fakýltetteriniń stýdentteri men sarapshylar zertteitin joǵary kásibi kontentti usynady. Biyl karantindik shekteýlerge bailanysty onlain jáne offlain formatta qatar ótetin sharaǵa tirkelý júrip jatyr.
