Foto: ashyq derekkóz
Qarjylyq monitoring agenttiginiń (QMA) Almaty qalasy boiynsha departamenti «Warner Bros» ataýymen jumys istegen qarjy piramidasyna qatysty tergeýdi aiaqtady, dep habarlaidy Ult.kz.
Tergeý materialdaryna sáikes, piramida uiymdastyrýshylary azamattardy joǵary tabys ýáde etip, jobaǵa investitsiia salýǵa úgittegen. Zańdy kórinis berý maqsatynda bul iske esh qatysy joq álemge áigili gollivýdtyq Warner Bros stýdiiasynyń ataýy paidalanylǵan.
Qatysýshylarǵa film treilerlerin qaraý jáne jańa salymshylardy tartý arqyly tabys tabý usynylypty. Piramida 9 deńgeiden turǵan, ortasha salym mólsheri – 225 myń teńge, al tólemder tek USDT kriptovaliýtasynda qabyldanǵan.
Shemany jyldam taratý úshin áleýmettik jeliler men messendjerler belsendi qoldanylǵan. Ákimshiler arnaiy chattar quryp, oqytý júrgizip, nusqaýlyqtar men beinerolikter taratqan. Qatysýshylarǵa tez paida men kriptovaliýta túrinde syiaqy ýáde etilgen.
Tergeý barysynda salymshylardan jinalǵan qarjyny saqtaý úshin paidalanylǵan kriptoámiiandar anyqtaldy.
Sot sanktsiiasymen jalpy 3,8 mln USDT kólemindegi kriptoaktivterge tyiym salyndy.
Sot úkimimen qarjy piramidasyn uiymdastyrýshy 5 jyl bas bostandyǵynan aiyrý jazasyna kesildi. Sonymen qatar, sot 40 jábirlenýshiniń azamattyq talaptaryn qanaǵattandyryp, olardyń shyǵyny tyiym salynǵan kriptoaktivter esebinen óteletin boldy.
Úkim zańdy kúshine áli engen joq.
