فوتو: اشىق دەرەككٶز
قارجىلىق مونيتورينگ اگەنتتٸگٸنٸڭ (قما) الماتى قالاسى بويىنشا دەپارتامەنتٸ «Warner Bros» اتاۋىمەن جۇمىس ٸستەگەن قارجى پيراميداسىنا قاتىستى تەرگەۋدٸ اياقتادى, دەپ حابارلايدى Ult.kz.
تەرگەۋ ماتەريالدارىنا سەيكەس, پيراميدا ۇيىمداستىرۋشىلارى ازاماتتاردى جوعارى تابىس ۋەدە ەتٸپ, جوباعا ينۆەستيتسييا سالۋعا ٷگٸتتەگەن. زاڭدى كٶرٸنٸس بەرۋ ماقساتىندا بۇل ٸسكە ەش قاتىسى جوق ەلەمگە ەيگٸلٸ گولليۆۋدتىق Warner Bros ستۋديياسىنىڭ اتاۋى پايدالانىلعان.
قاتىسۋشىلارعا فيلم ترەيلەرلەرٸن قاراۋ جەنە جاڭا سالىمشىلاردى تارتۋ ارقىلى تابىس تابۋ ۇسىنىلىپتى. پيراميدا 9 دەڭگەيدەن تۇرعان, ورتاشا سالىم مٶلشەرٸ – 225 مىڭ تەڭگە, ال تٶلەمدەر تەك USDT كريپتوۆاليۋتاسىندا قابىلدانعان.
سحەمانى جىلدام تاراتۋ ٷشٸن ەلەۋمەتتٸك جەلٸلەر مەن مەسسەندجەرلەر بەلسەندٸ قولدانىلعان. ەكٸمشٸلەر ارنايى چاتتار قۇرىپ, وقىتۋ جٷرگٸزٸپ, نۇسقاۋلىقتار مەن بەينەروليكتەر تاراتقان. قاتىسۋشىلارعا تەز پايدا مەن كريپتوۆاليۋتا تٷرٸندە سىياقى ۋەدە ەتٸلگەن.
تەرگەۋ بارىسىندا سالىمشىلاردان جينالعان قارجىنى ساقتاۋ ٷشٸن پايدالانىلعان كريپتوەميياندار انىقتالدى.
سوت سانكتسيياسىمەن جالپى 3,8 ملن USDT كٶلەمٸندەگٸ كريپتواكتيۆتەرگە تىيىم سالىندى.
سوت ٷكٸمٸمەن قارجى پيراميداسىن ۇيىمداستىرۋشى 5 جىل باس بوستاندىعىنان ايىرۋ جازاسىنا كەسٸلدٸ. سونىمەن قاتار, سوت 40 جەبٸرلەنۋشٸنٸڭ ازاماتتىق تالاپتارىن قاناعاتتاندىرىپ, ولاردىڭ شىعىنى تىيىم سالىنعان كريپتواكتيۆتەر ەسەبٸنەن ٶتەلەتٸن بولدى.
ٷكٸم زاڭدى كٷشٸنە ەلٸ ەنگەن جوق.
