Almaty politseileri Tólebaev kóshesindegi Viktor Tsoiǵa arnalǵan memorialdyq keshenge zaqym keltirgen vandaldy anyqtady, - dep habarlaidy Tengrinews.kz agenttigi.
Almatynyń ortalyq aýdanynyń turǵyndary Tólebaev kóshesiniń boiyndaǵy alleiadaǵy vandalizmge shaǵymdandy. Biyl sol aýdannyń turǵyndary Viktor Tsoi eskertkishiniń artyndaǵy alleiany qaita qalpyna keltirip, ánshiniń shyǵarmalarynan alynǵan úzindiler jazylǵan ekertkish taqtashalar qoiǵan. Turǵyndardyń aitýynsha, jezden jasalǵan taqtaishalar arnaiy tapsyryspen jasalyp, árqaisysynyń quny 80 000 teńgeden turady.
28 qazanda belgisiz qart adam metall zatpen taqtaishalardy ádeii syzǵan. Alty taqtaisha zaqymdanǵan.
"Sáýlettik ansambl qalanyń týristik infraqurylymy úshin úlken mańyzǵa ie, sebebi ol negizgi kórikti jerler tizimine engen. Ókinishke orai, buzaqylyq saldarynan búlingen belgilerdi qalpyna keltirý múmkin emes", - dep jazylǵan jergilikti belsendiniń paraqshasynda.
Beinejazba jariialanyp, turǵyndar aryz jazǵannan keiin Almaty politsiiasy jaǵdaiǵa bailanysty jaýap berdi. Taaqtaishalardy búldirgen er adam anyqtalyp, ustaldy.
"Medeý aýdandyq politsiia bóliminiń qyzmetkerleri 1952 jyly týǵan er adamdy ustady, ol jasaǵan áreketin moiyndap, ókinip, búlingen taqtaishany qalpyna keltirýge mindetteldi. Onyń áreketi QR QK 434 (Usaq buzaqylyq) jáne 505-baptary boiynsha saraptalǵan. Istiń materialdary sotqa joldanady", - dedi politseiler.
