الماتى پوليتسەيلەرٸ تٶلەباەۆ كٶشەسٸندەگٸ ۆيكتور تسويعا ارنالعان مەموريالدىق كەشەنگە زاقىم كەلتٸرگەن ۆاندالدى انىقتادى, - دەپ حابارلايدى Tengrinews.kz اگەنتتٸگٸ.
الماتىنىڭ ورتالىق اۋدانىنىڭ تۇرعىندارى تٶلەباەۆ كٶشەسٸنٸڭ بويىنداعى اللەياداعى ۆانداليزمگە شاعىمداندى. بيىل سول اۋداننىڭ تۇرعىندارى ۆيكتور تسوي ەسكەرتكٸشٸنٸڭ ارتىنداعى اللەيانى قايتا قالپىنا كەلتٸرٸپ, ەنشٸنٸڭ شىعارمالارىنان الىنعان ٷزٸندٸلەر جازىلعان ەكەرتكٸش تاقتاشالار قويعان. تۇرعىنداردىڭ ايتۋىنشا, جەزدەن جاسالعان تاقتايشالار ارنايى تاپسىرىسپەن جاسالىپ, ەرقايسىسىنىڭ قۇنى 80 000 تەڭگەدەن تۇرادى.
28 قازاندا بەلگٸسٸز قارت ادام مەتالل زاتپەن تاقتايشالاردى ەدەيٸ سىزعان. التى تاقتايشا زاقىمدانعان.
"سەۋلەتتٸك انسامبل قالانىڭ تۋريستٸك ينفراقۇرىلىمى ٷشٸن ٷلكەن ماڭىزعا يە, سەبەبٸ ول نەگٸزگٸ كٶرٸكتٸ جەرلەر تٸزٸمٸنە ەنگەن. ٶكٸنٸشكە وراي, بۇزاقىلىق سالدارىنان بٷلٸنگەن بەلگٸلەردٸ قالپىنا كەلتٸرۋ مٷمكٸن ەمەس", - دەپ جازىلعان جەرگٸلٸكتٸ بەلسەندٸنٸڭ پاراقشاسىندا.
بەينەجازبا جارييالانىپ, تۇرعىندار ارىز جازعاننان كەيٸن الماتى پوليتسيياسى جاعدايعا بايلانىستى جاۋاپ بەردٸ. تااقتايشالاردى بٷلدٸرگەن ەر ادام انىقتالىپ, ۇستالدى.
"مەدەۋ اۋداندىق پوليتسييا بٶلٸمٸنٸڭ قىزمەتكەرلەرٸ 1952 جىلى تۋعان ەر ادامدى ۇستادى, ول جاساعان ەرەكەتٸن مويىنداپ, ٶكٸنٸپ, بٷلٸنگەن تاقتايشانى قالپىنا كەلتٸرۋگە مٸندەتتەلدٸ. ونىڭ ەرەكەتٸ قر قك 434 (ۇساق بۇزاقىلىق) جەنە 505-باپتارى بويىنشا ساراپتالعان. ٸستٸڭ ماتەريالدارى سوتقا جولدانادى", - دەدٸ پوليتسەيلەر.
