Almaty qalasy ákiminiń orynbasary Erjan Babaqumarov megapolistiń azamattyq sektorymen yntymaqtastyq máselelerin talqylaý úshin úkimettik emes uiymdardyń ókilderimen kezdesti, dep habarlaidy "Ult aqparat".
Kezdesýge 80-nen astam ÚEU ókilderi keldi. Jiynnyń basty maqsaty - áleýmettik salany jaqsartý, sondai-aq almatylyqtardyń, ásirese kómekke muqtaj adamdardyń ómir súrý sapasyn arttyrý jónindegi jobalardy pysyqtaý.
«Qala ákimi Baqytjan Saǵyntaev Almatyny «shetsiz qala» qaǵidaty boiynsha damytý josparyn júzege asyrýda negizgi basymdyqty qoljetimdi áleýmettik infraqurylymdy qurýǵa baǵyttaýdy aitqan edi. Bul – qalaǵa jańadan qosylǵan yqshamaýdandarǵa qatysty», - dedi Erjan Babaqumarov.
Sonymen qatar, azamattyq belsendilerdiń qala turǵyndary arasynda salaýatty ómir saltyn nasihattaýǵa, múmkindigi shekteýli adamdar úshin qoljetimdi qalalyq ortany uiymdastyrýǵa óz úlesin qosýǵa jaǵdailary jetkilikti.
Osy baǵyttar boiynsha «Almaty Azamattyk Alyansy» ZTB tóraǵasy Konstantin Avershin, «Aqparattyq-resýrstyq ortalyq» qorynyń direktory Altynai Kóbeeva, «Aman-Saýlyq» qoǵamdyq qorynyń prezidenti Baqyt Túmenova, «Ardi» QB tóraiymy Ásiia Ahtanova, «Almaty qalalyq múgedekter qoǵamy» QB basshysy Ali Amanbaev, «QR diabettik aǵartýshylyq qory» QQ atqarýshy direktory Natalia Týkalevskaia jáne t. b. óz usynystaryn bildirdi.
Sonymen qatar, azamattyq sektor ókilderine qiyn ómirlik jaǵdaiǵa tap bolǵan analardy qoldaý boiynsha qyzmetti kúsheitý usynyldy.
