Almatyda Facebookke 102 ýchaskelik politsiia inspektory tirkeldi, dep habarlaidy "Ult aqparat".
Almaty qalalyq Politsiia departamentinyń habarlaýynsha. Bul IIM reformalaý jáne «Halyq únine qulaq asatyn memleket» qaǵidaty aiasynda júzege asyrylyp jatqan shara.
«Búgin qalada 102 ýchaskelik politsiia pýnktteri jumys isteidi, onda 572 ýchaskelik politsiia inspektory qyzmet etedi. Olardyń 102-si aǵa ýchaskelik ofitserler bolyp tabylady. Olar birinshi bolyp Facebook-ke tirkeldi. Maqsat – azamattarmen bailanys arnalaryn qurý jáne keri bailanys ornatý. Búgingi tańda elektrondy resýrstar men áleýmettik jeliler arqyly azamattardan kóptegen habarlamalar alamyz. Bul óte yńǵaily. Qoǵam ókilder men olardyń belsendiliginiń arqasynda biz kishigirim quqyq buzýshylyqtardy ǵana emes, sonymen qatar, qylmystardy da jedel anyqtai alamyz. Aǵa ýchaskelik inspektorlardyń paraqshalary týraly málimetterdi ýchaskelik politsiia basqarmalarynyń basshylarynyń paraqshalarynan tabýǵa bolady, – dedi Almaty qalalyq PD jergilikti politsiia qyzmeti basqarmasynyń bastyǵy Manap Sattarov.
Spiker taiaý ýaqytta barlyq ýchaskelik inspektorlar áleýmettik jelilerge tirkeletindigin atap ótti.
