Búgin ál-Farabi atyndaǵy QazUÝ bazasynda UBT bastaldy. Bir kúnde eki lek bolady. Bul týraly Almaty qalasynyń óńirlik kommýnikatsiialar qyzmeti málim etti, dep habarlaidy "Ult aqparat".
Ulttyq biryńǵai testileýge qatysýshylar ulttyq ýniversitet ǵimaratynyń aldyna saǵat 7:30-da jinaldy. Ár adam tekserýden ótti: jeke basyn sáikestendirý, sanitarlyq óńdeý, sondai-aq tyiym salynǵan gadjetterdiń bar-joǵyn vizýaldy tekserý.
QR Bilim jáne ǵylym ministrliginiń Ulttyq testileý ortalyǵynyń ókili Jandos Qumǵanbetov biyl Almatyda 11 myńnan astam túlek UBT tapsyratynyn aitty. Olardyń árqaisysynyń eki múmkindigi bar, birinshi kezeń 10 naýryzdan 26 sáýirge deiin ótti, ol joǵary oqý ornyna aqyly negizde oqýǵa túsýge múmkindik beredi. Búginnen bastap 6 mamyrda grantqa túsýge múmkindik beretin UBT bastaldy. Testileý 30 maýsymǵa deiin jalǵasady.
«UBT – ny eki lek boiynsha ótkizemiz, tańerteń saǵat 9.00-den 13.00-ge deiin jáne tústen keiin saǵat 14.00-den 18.00-ge deiin. Bul karantin sharalaryn saqtaý maqsatynda jasaldy, árbir oqýshynyń óz derbes kompiýteri bar, al nátijesin test aiaqtalǵannan keiin birden bilýge bolady», - dedi QR Bilim jáne ǵylym ministrliginiń ókili Jandos Qumǵanbetov.
Ulttyq testileý ortalyǵynyń ókili UBT-nyń elektrondyq formaty jańa zaman talaby ekenin, onyń ústine ol oqýshylardy qatty kúizeliske túsirmeitinin aitty.
QazUÝ bazasynda Aqparattyq qaýipsizdik qatań saqtalǵan, sanitarlyq normalardyń saqtalýyn, sondai-aq aýditoriiaǵa tyiym salynǵan zattardyń ákelinbeýin qadaǵalaityn qyzmetkerler kezekshilik atqarady. Ázirge buzýshylyqtar anyqtalǵan joq.
Karantindik sharalardyń qatań saqtalýyn meditsina qyzmetkerleri, sondai-aq Ulttyq testileý ortalyǵynyń ókilderi qadaǵalaidy. Tekserýshiler, onyń ishinde iývenaldy politsiia qyzmetkerleri búkil perimetr boiynsha bólindi, olar tártipti qadaǵalap, testileý pýnktine bóten adamdardy jibermedi.
Ýniversitet aýmaǵyna bóten adamdarǵa ruqsat etilmeidi, biraq ata-analarǵa protsesti syrttan baqylaýǵa ruqsat etildi, biraq birge kelgender az boldy. Tek qala mańynda turatyn túlekterdiń ata-analary keldi.
Aita keteiik, biyl testilenýshiler Face-ID boiynsha sáikestendirýden ótedi. Oqýshylar jeke tulǵalar memlekettik bazasy arqyly tekseriledi. Tyiym salynǵan zattardy (smartfondar, shpargalkalar) anyqtaý úshin otandyq proktoring júiesi de qoldanylady. Testileý kezinde tyiym salynǵan zattar tabylǵan jaǵdaida oqýshy aýditoriiadan shyǵarylady.
