Tilshilerimiz Qazaqstan azamattaryn ýaqytsha mekenjaiy boiynsha tirkeýge alý týraly Zańnyn Almaty qoǵamynda qalai júzege asa bastaǵanyn baiqady. Naqtyraq aitqanda, kúnkóris ia basqa da sebeptermen ýaqytsha júrgen azamattardy jańa Zań talaby boiynsha tirkeýge alý úshin páter ieleri qansha baǵa surap, qansha mezgilge tirkeýge turýyna ruqsat bere alatynyn surastyryp bildi.
Búgingi tańda internette azamattardy Almatyda tirkeýge qoiý týraly jarnamalar kóbeiip otyr. Osyǵan orai, tilshimiz Almatyǵa mekenjai aýystyrǵan adam qanshalyqty aqy tólep, qandai jaǵdaida tirkeýge tura alatynyn anyqtaýǵa tyrysty.
Qazirgi qoǵamdaǵy usynys boiynsha, Alataý aýdanynda bir adamǵa bir jylǵa tirkeýge turý shamamen 50-60 myń teńgege shyqsa, Naýryzbai aýdanynda jarty jyl tirkeýde turý quny 40 myń teńge,al tutas bir jylǵa 55 myń teńge bolyp otyr. Medeý, Bostandyq sekildi qala ortalyǵyndaǵy aýdandarda baǵa qymbat. Onda jarty jylǵa adamdy tirkeýge alý 60 myń teńgege shyǵady.
Tirkeýge turǵyzyp berýge ýáde berip júrgender barlyǵy resmi túrde zańdy bolatynyn aityp sendiredi.
«Eger qandai da bir olqylyqtar bolsa, Halyqqa qyzmet kórsetý ortalyqtarynda ol kórinip turady, sondyqtan barlyǵyn resmi túrde jasaimyz», - dedi QazAqparat tilshisi áńgimege tartqan deldal.
Aita keteiik, mundai jarnamalar qazir Alataý aýdanynda kóbirek. Áýezov aýdanynda 3 aidan artyq ýaqyt tirkeýge turǵyzyp berý quny 40 myń teńge, al 6 aiǵa 60 myń teńge qajet bolady.
Eske sala keteiik, Qazaqstanda «Ekstremizm men terrorizmge qarsy birqatar zańnamaǵa ózgerister men tolyqtyrýlar engizý» týraly Zańǵa qol qoiylǵan bolatyn. Atalǵan Zań boiynsha azamattardyń ýaqytsha mekenjaiy boiynsha tirkeýge turýy mindettelip otyr. Sonymen qatar, páterdi jalǵa berýshige de, alýshyǵa da ruqsat qaǵazy bolmasa, aiyppul salynatyn bolady. Sarapshylardyń pikirine súiensek, mundai shara zańsyz páter jalǵa berýshiler sanyn azaityp, ishki migratsiiada esep júrgizýge sebep bolady.
