Almatyda túnde drift jasaǵan júrgizýshi jazalandy, dep habarlaidy "Ult aqparat".
Áleýmettik jelide túngi ýaqytta qatty jyldamdyqpen qaýipti manevrler jasaǵan video paida boldy.
Jergilikti politsiia qyzmetkerleri áleýmettik jelilerden jol qozǵalysy erejeleri men azamattardyń tynyshtyǵyn óreskel buzý deregi túsirilgen videodaǵy quqyq buzýshyny anyqtap, ony jaýapqa tartty.
«Bul 1999 jyly týǵan Shamil Jumfaev bolyp shyqty. Ol metro beketiniń aldyndaǵy aimaqta, Abai dańǵyly men Brýsilovskii kóshesiniń qiylysynda «BMW» markaly avtokólikpen zań buzýshylyq jasaǵan. Bul jol qozǵalysynyń basqa qatysýshylary úshin naqty qaýip tóndirgen áreket boldy. Tekserý kezinde de Jumfaevtyń jol júrý erejelerin, onyń ishinde jyldamdyqty jii buzatyndyǵy anyqtaldy. Onyń jalpy somasy 197 727 teńgege toǵyz jol erejesin buzǵany úshin qaryzy bar», - deidi Almaty qalalyq PD jergilikti politsiia qyzmeti basqarmasynyń bastyǵy Manap Sattarov.
Quqyqbuzýshyǵa qatysty QR ÁQbK-niń 630-baby 1-bóligi jáne QR ÁQbK-niń 437-baby boiynsha ákimshilik hattamalar toltyrylyp, kóligi mamandandyrylǵan aiyppul turaǵyna qoiyldy.
