Almatyda Bostandyq aýdanyndaǵy Mega saýda ortalyǵynyń mańynda jappai tóbeles boldy, dep habarlaidy "Ult aqparat".
Áleýmettik jelide tóbeles oqiǵanyń videosy tarady.
Almaty qalalyq PD málimetinshe, 28 sáýirde tún jarymda politsiiaǵa Rozybakiev pen Esqaraev kósheleriniń qiylysynda tóbeles bolyp jatqany týraly habarlama kelip túsken.
"Jedel basqarý ortalyǵynyń qyzmetkerleri oqiǵa ornyna politsiianyń patrýldik ekipajdaryn jiberip, quqyqbuzýshylyqty toqtatyp, qatysýshylardyń barlyǵyn ustap, Bostandyq aýdandyq politsiia basqarmasyna jetkizdi.
Qazirgi ýaqytta QR QK-niń 293-baby 2-bóligi boiynsha sotqa deiingi tergeý amaldary bastaldy. Tóbeleske qatysy barlardyń árqaisysynyń áreketine quqyqtyq baǵa beriletin bolady" - delingen habarlamada.
Aita keteiik, tóbelestiń jai-japsaryn ánshi Say Mo óziniń Instagram paraqshasynda aityp berdi.
"Bir er adam súiiktisin urdy. Al meniń qurbymnyń inisi men onyń eki dosy ony jaqtaǵysy kelip, jigitten bulai jasamaýyn ótinip, urýyn toqtatýdy suraǵan. Biraq bul adam dostaryna telefon soǵyp, kómekke shaqyrǵan. Osydan keiin jappai tóbeles bastaldy", - deidi ol.
