Memleket basshysy Pavlodarda tramvai júiesin damytýdy jalǵastyrý qajet ekenin málimdedi, - dep habarlaidy "Ult aqparat" Aqordanyń baspasóz qyzmetine silteme jasap.
"Pavlodar – tramvai júretin sirek qalanyń biri. Almatyda travmai júrdi, eshkimge kedergi keltirmedi, biraq ony qaladan alyp tastaý týraly sheshim qabyldady. Aýqymdy jumys júrgizildi, relster joiyldy, endi Almaty tramvaisyz qaldy. Tramvai qalanyń simvoly bolǵanyn atap ótý kerek. Menińshe, Pavlodarda tramvaidy saqtap qalý qajet", - dedi Toqaev.
Prezident eger qajet bolsa, joldardy jańǵyrtyp, jańa, dybyssyz, tramvailar satyp alý kerek bolýy múmkin ekenin aitty.
"Biraq travmai - ózinshe tartymdy kólik túri. Eýropanyń kóptegen damyǵan qalalarynda tramvailar kedergisiz júredi. Bul - kóptegen jergilikti turǵyndar unatatyn ekologiialyq jáne yńǵaily kólik. Tramvai júiesin damytýdy jalǵastyryp, quramdardy jańartýdy jedeldetý kerek", - Memleket basshysy.
