Almaty qalasynyń Naýryzbai aýdanyna qarasty Taý samaly shaǵyn aýdanynda tikushaq apatqa ushyrady. Bul týraly QR IIM Tótenshe jaǵdailar komitetiniń resmi ókili Nursultan Nurahmetov aitty, dep habarlaidy QazAqparat tilshisi.
«17 qańtar kúni saǵat 16-05-te Almaty qalasynyń Naýryzbai aýdanyna qarasty Taý samaly shaǵyn aýdanynda, «Alataý» shipajaiynyń ashyq aýmaǵyna «Sky Service» áýe kompaniiasynyń jeke menshigindegi Evrokopter-130 tikushaǵy qulady. Tikushaq órtengen joq. 1968 jyly dúniege kelgen ushqysh jedel járdem kóliginde qaitys boldy. Tikushaq Boraldai-Úlken Almaty kóli baǵytynda ushyp bara jatqan», - dedi resmi ókil.
Azamattyq aviatsiia komitetiniń məlimetinshe, tikushaqta bir ǵana adam, iaǵni ushqysh Valentin Shitov bolǵan.
Qazirgi ýaqytta QR Investitsiialar jəne infraqurylymdyq damý ministrligi Kólik oqiǵalary men oqys oqiǵalardy tekserý departamenti tarapynan tekserý amaly bastalǵan.
