الماتى قالاسىنىڭ ناۋرىزباي اۋدانىنا قاراستى تاۋ سامالى شاعىن اۋدانىندا تٸكۇشاق اپاتقا ۇشىرادى. بۇل تۋرالى قر ٸٸم تٶتەنشە جاعدايلار كوميتەتٸنٸڭ رەسمي ٶكٸلٸ نۇرسۇلتان نۇراحمەتوۆ ايتتى, دەپ حابارلايدى قازاقپارات تٸلشٸسٸ.
«17 قاڭتار كٷنٸ ساعات 16-05-تە الماتى قالاسىنىڭ ناۋرىزباي اۋدانىنا قاراستى تاۋ سامالى شاعىن اۋدانىندا, «الاتاۋ» شيپاجايىنىڭ اشىق اۋماعىنا «Sky Service» ەۋە كومپانيياسىنىڭ جەكە مەنشٸگٸندەگٸ ەۆروكوپتەر-130 تٸكۇشاعى قۇلادى. تٸكۇشاق ٶرتەنگەن جوق. 1968 جىلى دٷنيەگە كەلگەن ۇشقىش جەدەل جەردەم كٶلٸگٸندە قايتىس بولدى. تٸكۇشاق بورالداي-ٷلكەن الماتى كٶلٸ باعىتىندا ۇشىپ بارا جاتقان», - دەدٸ رەسمي ٶكٸل.
ازاماتتىق اۆياتسييا كوميتەتٸنٸڭ مəلٸمەتٸنشە, تٸكۇشاقتا بٸر عانا ادام, ياعني ۇشقىش ۆالەنتين شيتوۆ بولعان.
قازٸرگٸ ۋاقىتتا قر ينۆەستيتسييالار جəنە ينفراقۇرىلىمدىق دامۋ مينيسترلٸگٸ كٶلٸك وقيعالارى مەن وقىس وقيعالاردى تەكسەرۋ دەپارتامەنتٸ تاراپىنان تەكسەرۋ امالى باستالعان.
