Almaty qalalyq taýarlar men qyzmetterdiń sapasy men qaýipsizdigin baqylaý departamenti dári tapshylyǵy týyndaǵanyn jariialady, dep habarlaidy "Ult aqparat".
«Shekteý bitýine bailanysty Almatyda respiratorlyq virýs infektsiiasynyń óskeni baiqalady. Atap aitqanda, koronavirýs infektsiiasynyń da óskeni ras. Osy jaǵdaida neǵurlym jii qoldanylatyn dárilik zattar men meditsinalyq buiymdarǵa suranys ósti. Ásirese, termometrge. Bul rette kóp azamattar áleýmettik jelilerdegi beiresmi keńesterge jáne óz tanystarynyń keńesterine súiene otyryp, óz betimen emdelý úshin dárilik zattar satyp ala bastady», - dedi departamenttiń baspasóz qyzmetinen.
Mamandar qaladaǵy kóterme saýda kompaniialary men dárihanalarǵa júrgizilgen monitoring boiynsha dárilik preparattar jetkilikti dep sendirdi.
«Qaladaǵy dárihana men qoimalarda 24 370 qorap Paratsetamol 0,5 №10 bar, sondai-aq «Inkar» jáne «Medservis pliýs» kompaniialaryna 450 000 qorap dári ákelindi. Olar qazir kedendik rásimdeýde tur. Odan bólek, Panadol, Efferalgan, Ferveks, Koldreks, Kún/Tún, jáne basqa da quramynda paratsetamol bar dáriler jetkilikti. Atsiklovir dárilik zatynyń virýsqa qarsy uqsas túrleri Ingoverin, Tamifliý, Kagotsel jetkilikti. 68 480 qorap Ingoverin 90 dárisi sertifikattan ótip jatyr. Shildede satylymǵa túsedi» dedi departamentten.
Al termometrge qatysty kóterme farmkompaniialarmen Qazaqstanǵa osy meditsinalyq buiymdy jyldam jetkizýge kelissóz júrgizilip jatyr. Ónimdi óndiretin elderde úlken suranys bolǵandyqtan (Resei, Qytai Halyq Respýblikasy) jáne basqa da elderge shyǵarlatyndyqtan shektelgen kólemde jetkizilip jatyr.
«Osy múmkindikti paidalana otyryp, biz halyqty óz betinshe emdelmeýge shaqyramyz. Ásirese antibiotik qabyldamaý kerek. Óitkeni bunyń saldary qaiǵyly jaǵdaiǵa ákep soǵýy múmkin. Áleýmettik jelilerde paida bolǵan feik jańalyqtarǵa senbeýge shaqyramyz. Aýrýdyń aldyn alý maqsatynda qazirgi ýaqytta dárýmenge bai tamaqtardy kóp ishý qajet. Dárihana uiymdaryna farmatsevtikalyq qaýymdastyq jáne tikelei retseptsiz ótkiziletin dárilik zattardyń sanyn shekteýdi usynamyz», - dedi departamentten.
