Almatyda terakt uiymdastyrmaq bolǵan radikal toptyń úsh múshesi ustaldy, - dep habarlaidy "Ult aqparat" Qazaqstan Respýblikasy UQK Baspasóz qyzmetine silteme jasap.
"2016 jylǵy 10 qazanda Almaty qalasynda Ulttyq qaýipsizdik komitetiniń qyzmetkerleri quqyq qorǵaý jáne arnaýly organdardyń qyzmetkerlerine qatysty terroristik aktiler jasaýdy josparlaǵan radikaldy toptyń úsh múshesin ustady", - delingen habarlamada.
Ustalǵandardan qoldan isteletin jarylǵysh qurylǵy quraýyshtary jáne detonatorlar, terakti jasaýǵa úndeitin dini-ekstremistik materialdar alyndy.
Aita keteiik, jyl basynan beri Almaty qalasynda UQK organdary 29 radikal niettegi tulǵalardyń qylmystyq áreketiniń jolyn kesti. Jedel-tergeý is-sharalary jalǵasyp jatyr.
