Qala ákimi Baqytjan Saǵyntaev meditsinalyq kómektiń sapasy men qoljetimdiligin arttyrý maqsatynda qurylǵan densaýlyq saqtaý salasynyń birqatar nysanyn aralady, dep habarlaidy "Ult aqparat".
Megapolis ákimi I nstagram-daǵy paraqshasynda telemeditsina ortalyǵynda, otbasylyq-dárigerlik ambýlatoriiada jáne memlekettik-jekeshelik áriptestik aiasynda ashylǵan ońaltý ortalyǵynda bolǵanyn habarlady.
«KVI-ge qarsy is-qimyldaǵy mańyzdy jumystyń biri – telemeditsina ortalyǵyn qurý boldy. Jańadan qurylǵan biregei ortalyqta boldym. Bul jer pandemiia kezinde qaýipti indetke shaldyqqan naýqastarǵa qashyqtan kómek kórsetedi», - dep jazdy Baqytjan Saǵyntaev.
Onyń aitýynsha, arnaiy daiyndyqtan ótken 52 dáriger táýlik boiy aýdio nemese beinebailanys arqyly ambýlatoriialyq emde jatqan naýqastyń jaǵdaiyn baqylap, olarǵa keńes beredi. Búginde 816 adam úide emdelýde. Ótken jyldyń 1 qarashasynan bastap úi karantinindegi 3,7 myń qala turǵynyna qashyqtan monitoring júrgizildi.
Sondai-aq, Almaty ákimi B. Saǵyntaev qalalyqtarǵa alǵashqy meditsinalyq-áleýmettik kómek kórsetý úshin tiisti barlyq jaǵdailardyń jasalatynyn aitty. Bul mindet jaqyn mańda emhanalar joq yqshamaýdandarda otbasylyq-dárigerlik ambýlatoriialardy ashý arqyly sheshilýde.
Máselen, Túrksib aýdanynda zamanaýi qurylǵylarmen jabdyqtalǵan «Altai» otbasylyq ambýlatoriia 11 myń adamǵa qyzmet kórsetedi. Sońǵy eki jylda mundai 16 otbasylyq-dárigerlik ambýlatoriia ashyldy. Biyl taǵy tórteýin ashý josparda.
Qala ákimi B. Saǵyntaev jeke kapitaldyń qatysýymen qurylatyn ońaltý ortalyqtary júiesiniń ulǵaiǵanyn habarlady. Byltyr MJÁ aiasynda «Arýana» kópsalaly ortalyǵy ashyldy. Ortalyq 50 tósek-orynǵa eseptelgen, sonyń ishinde insýlt, kardiologiia men travmatologiialyq naýqastardy emdeýge arnalǵan 41 oryn bar.
