قالا ەكٸمٸ باقىتجان ساعىنتاەۆ مەديتسينالىق كٶمەكتٸڭ ساپاسى مەن قولجەتٸمدٸلٸگٸن ارتتىرۋ ماقساتىندا قۇرىلعان دەنساۋلىق ساقتاۋ سالاسىنىڭ بٸرقاتار نىسانىن ارالادى, دەپ حابارلايدى "ۇلت اقپارات".
مەگاپوليس ەكٸمٸ I nstagram-داعى پاراقشاسىندا تەلەمەديتسينا ورتالىعىندا, وتباسىلىق-دەرٸگەرلٸك امبۋلاتورييادا جەنە مەملەكەتتٸك-جەكەشەلٸك ەرٸپتەستٸك اياسىندا اشىلعان وڭالتۋ ورتالىعىندا بولعانىن حابارلادى.
«كۆي-گە قارسى ٸس-قيمىلداعى ماڭىزدى جۇمىستىڭ بٸرٸ – تەلەمەديتسينا ورتالىعىن قۇرۋ بولدى. جاڭادان قۇرىلعان بٸرەگەي ورتالىقتا بولدىم. بۇل جەر پاندەمييا كەزٸندە قاۋٸپتٸ ٸندەتكە شالدىققان ناۋقاستارعا قاشىقتان كٶمەك كٶرسەتەدٸ», - دەپ جازدى باقىتجان ساعىنتاەۆ.
ونىڭ ايتۋىنشا, ارنايى دايىندىقتان ٶتكەن 52 دەرٸگەر تەۋلٸك بويى اۋديو نەمەسە بەينەبايلانىس ارقىلى امبۋلاتورييالىق ەمدە جاتقان ناۋقاستىڭ جاعدايىن باقىلاپ, ولارعا كەڭەس بەرەدٸ. بٷگٸندە 816 ادام ٷيدە ەمدەلۋدە. ٶتكەن جىلدىڭ 1 قاراشاسىنان باستاپ ٷي كارانتينٸندەگٸ 3,7 مىڭ قالا تۇرعىنىنا قاشىقتان مونيتورينگ جٷرگٸزٸلدٸ.
سونداي-اق, الماتى ەكٸمٸ ب. ساعىنتاەۆ قالالىقتارعا العاشقى مەديتسينالىق-ەلەۋمەتتٸك كٶمەك كٶرسەتۋ ٷشٸن تيٸستٸ بارلىق جاعدايلاردىڭ جاسالاتىنىن ايتتى. بۇل مٸندەت جاقىن ماڭدا ەمحانالار جوق ىقشاماۋدانداردا وتباسىلىق-دەرٸگەرلٸك امبۋلاتورييالاردى اشۋ ارقىلى شەشٸلۋدە.
مەسەلەن, تٷركسٸب اۋدانىندا زاماناۋي قۇرىلعىلارمەن جابدىقتالعان «التاي» وتباسىلىق امبۋلاتورييا 11 مىڭ ادامعا قىزمەت كٶرسەتەدٸ. سوڭعى ەكٸ جىلدا مۇنداي 16 وتباسىلىق-دەرٸگەرلٸك امبۋلاتورييا اشىلدى. بيىل تاعى تٶرتەۋٸن اشۋ جوسپاردا.
قالا ەكٸمٸ ب. ساعىنتاەۆ جەكە كاپيتالدىڭ قاتىسۋىمەن قۇرىلاتىن وڭالتۋ ورتالىقتارى جٷيەسٸنٸڭ ۇلعايعانىن حابارلادى. بىلتىر مجە اياسىندا «ارۋانا» كٶپسالالى ورتالىعى اشىلدى. ورتالىق 50 تٶسەك-ورىنعا ەسەپتەلگەن, سونىڭ ٸشٸندە ينسۋلت, كارديولوگييا مەن تراۆماتولوگييالىق ناۋقاستاردى ەمدەۋگە ارنالعان 41 ورىن بار.
