Almatynyń Bostandyq aýdanynda qýraǵan shóp pen aǵash órtenip jatyr, dep habarlaidy QazAqparat.
Almaty qalalyq tótenshe jaǵdailar departamentiniń málimetinshe, órt sóndirý brigadasy qyzyl jalynnyń jaqyn mańda ornalasqan turǵyn úi sektoryna taralý qaýpiniń aldyn aldy
«18 qyrkúiek kúni túski saǵat 11:11minýtta Almaty qalasy TJD tabiǵi órtterge qarsy jiyntyq jasaǵy Bostandyq aýdany, «Ermensai» shaǵynaýdany, Arailym kóshesi, 2/12 úidiń jannyda taý baýraiyndaǵy qurǵaq shóp pen aǵashtardyń janǵany týraly habarlamaǵa shyqty», - dep habarlady vedomstvadan.
Órt sóndirý brigadasy kelgen kezde taýdyń baýraiynda jalpy aýdany 1,5 Ga jerde qýraǵan shóp pen aǵash órtengeni anyqtaldy.
Órttiń úsh qabatty turǵyn úige taralý qaýipi boldy.
Joǵary temperatýradan úsh qabatty úidiń plastikalyq terezeleri, saidingtan jasalǵan úi jabyndysy qyza bastaǵan.
Órtti sóndirýge 57 adam men 14 birlik tehnika jumyldyryldy. Qabyldanǵan sharalardyń arqasynda órt sóndirildi. Ottyń jeke turǵyn úi sektoryna taralý qaýpi tolyǵymen joiyldy.
Qaza bolǵandar men zardap shekkender joq.
