الماتىنىڭ بوستاندىق اۋدانىندا قۋراعان شٶپ پەن اعاش ٶرتەنٸپ جاتىر, دەپ حابارلايدى قازاقپارات.
الماتى قالالىق تٶتەنشە جاعدايلار دەپارتامەنتٸنٸڭ مەلٸمەتٸنشە, ٶرت سٶندٸرۋ بريگاداسى قىزىل جالىننىڭ جاقىن ماڭدا ورنالاسقان تۇرعىن ٷي سەكتورىنا تارالۋ قاۋپٸنٸڭ الدىن الدى
«18 قىركٷيەك كٷنٸ تٷسكٸ ساعات 11:11مينۋتتا الماتى قالاسى تجد تابيعي ٶرتتەرگە قارسى جيىنتىق جاساعى بوستاندىق اۋدانى, «ەرمەنساي» شاعىناۋدانى, ارايلىم كٶشەسٸ, 2/12 ٷيدٸڭ جاننىدا تاۋ باۋرايىنداعى قۇرعاق شٶپ پەن اعاشتاردىڭ جانعانى تۋرالى حابارلاماعا شىقتى», - دەپ حابارلادى ۆەدومستۆادان.
ٶرت سٶندٸرۋ بريگاداسى كەلگەن كەزدە تاۋدىڭ باۋرايىندا جالپى اۋدانى 1,5 گا جەردە قۋراعان شٶپ پەن اعاش ٶرتەنگەنٸ انىقتالدى.
ٶرتتٸڭ ٷش قاباتتى تۇرعىن ٷيگە تارالۋ قاۋٸپٸ بولدى.
جوعارى تەمپەراتۋرادان ٷش قاباتتى ٷيدٸڭ پلاستيكالىق تەرەزەلەرٸ, سايدينگتان جاسالعان ٷي جابىندىسى قىزا باستاعان.
ٶرتتٸ سٶندٸرۋگە 57 ادام مەن 14 بٸرلٸك تەحنيكا جۇمىلدىرىلدى. قابىلدانعان شارالاردىڭ ارقاسىندا ٶرت سٶندٸرٸلدٸ. وتتىڭ جەكە تۇرعىن ٷي سەكتورىنا تارالۋ قاۋپٸ تولىعىمەن جويىلدى.
قازا بولعاندار مەن زارداپ شەككەندەر جوق.
