QR Qarjy monitoring komitetiniń Almaty qalasyn boiynsha ekonomikalyq tergeý departamentiniń qyzmetkerleri qalalyq sot oryndaýshylarmen birlese otyryp, qylmystyq ister boiynsha tárkilengen oiyn terminaldaryn joiý sharasyn ótkizdi, dep habarlaidy "Ult aqparat".
Shara barysynda Almaty qalasynda uiymdasqan qylmystyq toppen zańsyz oiyn biznesin uiymdastyrǵan 6 azamatqa qatysty qylmystyq is boiynsha sottyń úkimine sáikes 230-dan asa oiyn terminaly joiyldy.
Aita keteiik, Almaty qalasy boiynsha ekonomikalyq tergeý departament qyzmetkerleri megopolis aýmaǵynda zańsyz oiyn biznesin uiymdastyrǵan qylmystyq toptyń zańsyz is-árketteri dáleldegen bolatyn.
Olar 2 zańsyz oiyn zalyn ashyp, 60 tan asa oiyn oryndarynda terminaldardy (dúkenderde, kólik jýý oryndardynda, kompiýter klýbtarynda, bazarlarda) ornatqan. Sondai-aq, oiyn terminaldaryn jasap kelgen qoimalar anyqtalǵan bolatyn.
Is boiynsha uiymdasqan qylmystyq toptyń 6 múshesi qylmystyq ister boiynsha arnaiy mamandandyrylǵan sotynyń úkimimen QR QK 307-b. 3-bóligi (zańsyz oiyn biznesin uiymdastyrý), 262-b. 1,2-bóligi (uiymdasqan qylmystyq top qurý jáne ony basqarý), 367-b. 4-bóligi (qylmystyq toppen para berý) derekteri boiynsha kináli dep tanylyp, 5 jyldan 10 jylǵa deiin bas bostandyqtarynan aiyryldy.
