Foto: Polisia.kz
Almatylyq politseiler tanys adamynan aqsha bopsalaǵan qylmystyq topty ustady, – dep habarlaidy Polisia.kz portaly.
Almaty qalalyq uiymdasqan qylmysqa qarsy kúres basqarmasynyń qyzmetkerleri kúdiktilerdi jábirlenýshiden suraǵan 1 million teńgeniń 650 myńyn alyp jatqan kezde ustaǵan. Kúdiktiler osydan biraz ýaqyt buryn zańsyz alyp ketken kólikti qaitaryp berý úshin tanys adamynan aqsha bopsalaǵan.
"Arnaiy is-shara nátijesinde bes er adam ustaldy, olardyń úlkeni - 35 jasta, kishisi - 27-de. Olar ýaqytsha ustaý izoliatoryna qamaldy.
Atalǵan derek QR QK-niń 389 baby (Ózinshe bilik etý) boiynsha tergelip jatyr. Ustalǵandardyń ekeýi buryn QR QK-niń 96-baby (Kisi óltirý) jáne QR QK-niń 287 baby (Brakonerlik) boiynsha sotty bolǵan.
Bul joly ustalǵan kezde kúdiktilerden ósimdik tektes untaqty zat jáne travmatikalyq tapansha tárkilendi. Kórsetilgen zattar boiynsha tiisti saraptamalar taǵaiyndaldy" - delingen habarlamada.
QR QK-niń 201 babyna sáikes ózge aqparat tergeý múddesine orai jariia etilmeidi. QR Konstitýtsiiasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna sai kez kelgen azamat sot sheshimi zańdy kúshine engenge deiin kinásiz dep sanalady.
