Almatyda tanymal zańgerdi pyshaqtap ketti. Ol alǵan jaraqatynan aýrýhanada kóz jumdy, dep habarlaidy "Ult aqparat" Polisia.kz portalyna silteme jasap.
Bul oqiǵa 8 qazan saǵat 23.00 shamasynda qalanyń Almaly aýdanynda bolǵan. Kóptegen pyshaq jaraqatymen qaladaǵy jaqyn jerdegi aýrýhanaǵa jetkizilgen 1980 jyly týǵan A. esimdi áiel 12 qazanǵa qaraǵan túni meditsinalyq mekemede qaitys bolǵan.
"Atalǵan derek QR QK-niń 99-baby boiynsha sotqa deiingi tergeýdiń biryńǵai tizilimine tirkeldi. Bul qylmysty ashý maqsatynda arnaiy jedel-tergeý toby quryldy.
Kúdikti anyqtaldy. Ony qamaýǵa alý sharalary júrgizilip jatyr. Tergeý barysy QR IIM men Almaty qalalyq PD basshylyǵynyń baqylaýynda" - delingen habarlamada.
