الماتىدا تانىمال زاڭگەردٸ پىشاقتاپ كەتتٸ. ول العان جاراقاتىنان اۋرۋحانادا كٶز جۇمدى, دەپ حابارلايدى "ۇلت اقپارات" Polisia.kz پورتالىنا سٸلتەمە جاساپ.
بۇل وقيعا 8 قازان ساعات 23.00 شاماسىندا قالانىڭ المالى اۋدانىندا بولعان. كٶپتەگەن پىشاق جاراقاتىمەن قالاداعى جاقىن جەردەگٸ اۋرۋحاناعا جەتكٸزٸلگەن 1980 جىلى تۋعان ا. ەسٸمدٸ ەيەل 12 قازانعا قاراعان تٷنٸ مەديتسينالىق مەكەمەدە قايتىس بولعان.
"اتالعان دەرەك قر قك-نٸڭ 99-بابى بويىنشا سوتقا دەيٸنگٸ تەرگەۋدٸڭ بٸرىڭعاي تٸزٸلٸمٸنە تٸركەلدٸ. بۇل قىلمىستى اشۋ ماقساتىندا ارنايى جەدەل-تەرگەۋ توبى قۇرىلدى.
كٷدٸكتٸ انىقتالدى. ونى قاماۋعا الۋ شارالارى جٷرگٸزٸلٸپ جاتىر. تەرگەۋ بارىسى قر ٸٸم مەن الماتى قالالىق پد باسشىلىعىنىڭ باقىلاۋىندا" - دەلٸنگەن حابارلامادا.
