Tanymal operator jáne prodiýser Azamat Dýlatovtyń basy daýǵa qaldy. Ol balalarǵa arnalǵan oiyn-saýyq ortalyǵynda qyzmetkerdi uryp jibergen. Bul máselege qatysty Almaty politsiiasy ókilderi pikir bildirdi, - dep habarlaidy Massaget.kz.
Videony jýrnalist Mihail Kozachkov Telegram-arnasyna júktedi.
"Sol jaqtaǵy er adam - operator jáne prodiýser Azamat Dýlatov. Keshe Dýlatov myrza Almatydaǵy balalarǵa arnalǵan oiyn-saýyq ortalyǵynda shý shyǵardy. Bastapqyda onyń áieli sózge kelispei, artynsha ol Azamatty shaqyrǵan. Videoda Dýlatov birinshi bolyp ákimshini uryp jibergenin, Kaspi terminalyn laqtyryp, keiin áieliniń artyna ketkenin kórýge bolady. Operator búginde kamera tek kino mamandarynda emes, barlyq jerde baryn umytyp ketken bolýy kerek", - deidi jýrnalist.
Osylaisha, operator men ákimshi tóbelesip qalǵan.
Almaty qalalyq Politsiia departamenti málimetinshe, bul derekti Bostandyq aýdandyq PB-na qarasty politsiia bólimi tekserip jatyr.
"Eki tarap ta politsiiaǵa aryzben júgindi. Oiyn-saýyq ortalyǵy qyzmetkeriniń alǵan dene jaraqatynyń aýyrlyǵyn anyqtaý úshin sot-meditsinalyq saraptama taǵaiyndaldy. Material QR ÁQbK-niń 73-1 baby boiynsha tirkeldi", - dedi politsiia ókilderi.
Aita keteiik, Azamat Dýlatov "Kelinka Sabina", "Qudalar", "Pobeg iz aýla" sekildi filmderdi túsirgen.
