Almaty qalasynyń Qonaev pen Qurmanǵazy kósheleriniń qiylysynda qubyrdan aqqan sý qala kóshelerine jaiylýda, – dep habarlaidy Baq.kz.
Apat bolǵan jerde eshqandai eskertý belgisi qoiylmaǵan. Dalaǵa aqqan sý Qonaev kóshesi boiymen tómen quldilap kólikterdiń júrisine kedergi keltirýde.
Qazan aiynyń 15 kúni Almatydaǵy Maxima saýda ortalyǵynyń aýmaǵynda qubyr jarylyp, aspanǵa atqylaǵan sýdyń diametri 50 santimetrge jetken edi.
Sondai-aq qazannyń 14 kúni Raiymbek dańǵyly men Bókeihanov kóshesiniń qiylysynda da qubyr jarylǵan bolatyn. Ol kezde kólikter toqtap, adamdar temir tulparynyń ústine nemese biik jerlerge shyǵyp, bas saýǵalan edi.
