Almatyda gaz jarylyp, er adamnyń denesiniń 30% kúiik shaldy, dep habarlaidy "Ult aqparat".
Almatyda gaz ben aýa qospasynyń jarylýynan bolǵan apat jii tirkelip otyr. Mamandardyń aitýynsha, kóbine gaz-aýa qospasy bólmeniń tóbesinde jinalyp turady. Elektr qurylǵysy qosylǵanda nemese óshirilgende tars etip atylady.
«12 qarashada Áýezov aýdanynda gaz ben aýa qospasy jarylyp, er adamnyń denesiniń 30%-yn kúiik shaldy. Ol aýyr jaǵdaida №4 aýrýhanaǵa jetkizildi. Bul apat gaz qurylǵysyn durys paidalanbaýdan bolǵan. Er adam úiine kelip, itine tamaq jylytyp jatqan. Gazdy qosyp ketkende baiqaýsyzda ot óship qalǵan. Sáikesinshe, gaz kontsentratsiiasy aýada jinala bergen. Qaityp kelgen úi iesi qaitadan sirińke jaǵyp, ot tutatpaq bolǵan. Sol sátte jarylys boldy», - dedi spiker.
Sonymen qatar, 11 qarashada jantúrshigerlik jarylys boldy. Jetisý aýdanynda 3 qabatty úidiń 1-qabatyndaǵy páterde gaz ben aýa qospasy jarylyp, 3 adam aýyr jaraqat aldy. Dárigerlerdiń aitýynsha, olardyń denesin 40-100% kúiik shalǵan. Keshe 100% kúiik alǵan 36 jastaǵy er adam kóz jumdy. Qalǵan eki adam áli de jansaqtaý bóliminde jatyr.
