الماتىدا گاز جارىلىپ, ەر ادامنىڭ دەنەسٸنٸڭ 30% كٷيٸك شالدى, دەپ حابارلايدى "ۇلت اقپارات".
الماتىدا گاز بەن اۋا قوسپاسىنىڭ جارىلۋىنان بولعان اپات جيٸ تٸركەلٸپ وتىر. مامانداردىڭ ايتۋىنشا, كٶبٸنە گاز-اۋا قوسپاسى بٶلمەنٸڭ تٶبەسٸندە جينالىپ تۇرادى. ەلەكتر قۇرىلعىسى قوسىلعاندا نەمەسە ٶشٸرٸلگەندە تارس ەتٸپ اتىلادى.
«12 قاراشادا ەۋەزوۆ اۋدانىندا گاز بەن اۋا قوسپاسى جارىلىپ, ەر ادامنىڭ دەنەسٸنٸڭ 30%-ىن كٷيٸك شالدى. ول اۋىر جاعدايدا №4 اۋرۋحاناعا جەتكٸزٸلدٸ. بۇل اپات گاز قۇرىلعىسىن دۇرىس پايدالانباۋدان بولعان. ەر ادام ٷيٸنە كەلٸپ, يتٸنە تاماق جىلىتىپ جاتقان. گازدى قوسىپ كەتكەندە بايقاۋسىزدا وت ٶشٸپ قالعان. سەيكەسٸنشە, گاز كونتسەنتراتسيياسى اۋادا جينالا بەرگەن. قايتىپ كەلگەن ٷي يەسٸ قايتادان سٸرٸڭكە جاعىپ, وت تۇتاتپاق بولعان. سول سەتتە جارىلىس بولدى», - دەدٸ سپيكەر.
سونىمەن قاتار, 11 قاراشادا جانتٷرشٸگەرلٸك جارىلىس بولدى. جەتٸسۋ اۋدانىندا 3 قاباتتى ٷيدٸڭ 1-قاباتىنداعى پەتەردە گاز بەن اۋا قوسپاسى جارىلىپ, 3 ادام اۋىر جاراقات الدى. دەرٸگەرلەردٸڭ ايتۋىنشا, ولاردىڭ دەنەسٸن 40-100% كٷيٸك شالعان. كەشە 100% كٷيٸك العان 36 جاستاعى ەر ادام كٶز جۇمدى. قالعان ەكٸ ادام ەلٸ دە جانساقتاۋ بٶلٸمٸندە جاتىر.
