Almatyda birneshe aqyly avtoturaq paida bolady, dep habarlaidy "Ult aqparat".
«29 sáýirden bastap jańa aqyly avtoturaqtar jumys istei bastaidy: T.Moldaǵaliev kóshesiniń boiynda Aqan Seri men Stasov kósheleriniń aralyǵynda. Stankevich kóshesiniń boiymen Chernyshevskii men J. Aimaýytov kósheleriniń aralyǵynda. Chernyshevskii kóshesiniń boiymen Aqan Sery men Stankevich kósheleriniń aralyǵynda», - dedi Aparking kompaniiasy.
Avtoturaq sany - 164, múgedekterge arnalǵan oryndar sany - 8. Jańa aqyly ýchaskeler Chernyshevskii kóshesinen Sholohov kóshesine deiingi Stankevichte qoldanystaǵy aqyly kósheniń jalǵasy bolady.
«Moldaǵaliev, Stankevich jáne Chernyshevskii kósheleri ekonomikalyq belsendi aýdanda ornalasqan. Munda saýda ortalyqtary, memlekettik mekemeler men bazarlar bar. Qala basshylyǵymen talqylaýdan keiin bul jerlerdi aqyly etý týraly sheshim qabyldandy.
Negizgi maqsat - turaq oryndarynyń birneshe ese arttyrý jáne barlyq azamattarǵa jalpyǵa ortaq qalalyq keńistikke teń quqyqtar berý», - dep túsindirdi kompaniiadaǵylar.
