الماتىدا بٸرنەشە اقىلى اۆتوتۇراق پايدا بولادى, دەپ حابارلايدى "ۇلت اقپارات".
«29 سەۋٸردەن باستاپ جاڭا اقىلى اۆتوتۇراقتار جۇمىس ٸستەي باستايدى: ت.مولداعاليەۆ كٶشەسٸنٸڭ بويىندا اقان سەرٸ مەن ستاسوۆ كٶشەلەرٸنٸڭ ارالىعىندا. ستانكەۆيچ كٶشەسٸنٸڭ بويىمەن چەرنىشەۆسكيي مەن ج. ايماۋىتوۆ كٶشەلەرٸنٸڭ ارالىعىندا. چەرنىشەۆسكيي كٶشەسٸنٸڭ بويىمەن اقان سەرى مەن ستانكەۆيچ كٶشەلەرٸنٸڭ ارالىعىندا», - دەدٸ Aparking كومپانيياسى.
اۆتوتۇراق سانى - 164, مٷگەدەكتەرگە ارنالعان ورىندار سانى - 8. جاڭا اقىلى ۋچاسكەلەر چەرنىشەۆسكيي كٶشەسٸنەن شولوحوۆ كٶشەسٸنە دەيٸنگٸ ستانكەۆيچتە قولدانىستاعى اقىلى كٶشەنٸڭ جالعاسى بولادى.
«مولداعاليەۆ, ستانكەۆيچ جەنە چەرنىشەۆسكيي كٶشەلەرٸ ەكونوميكالىق بەلسەندٸ اۋداندا ورنالاسقان. مۇندا ساۋدا ورتالىقتارى, مەملەكەتتٸك مەكەمەلەر مەن بازارلار بار. قالا باسشىلىعىمەن تالقىلاۋدان كەيٸن بۇل جەرلەردٸ اقىلى ەتۋ تۋرالى شەشٸم قابىلداندى.
نەگٸزگٸ ماقسات - تۇراق ورىندارىنىڭ بٸرنەشە ەسە ارتتىرۋ جەنە بارلىق ازاماتتارعا جالپىعا ورتاق قالالىق كەڭٸستٸككە تەڭ قۇقىقتار بەرۋ», - دەپ تٷسٸندٸردٸ كومپانيياداعىلار.
