Almatyda taǵy bir emhana qyzmetkerleri vaktsinatsiia pasportyn satyp kelgeni týraly aqparat tarady, dep habarlaidy "Ult aqparat".
Áleýmettik jeli qoldanýshylarynyń jazýynsha, № 4 qalalyq emhanada meditsina qyzmetkerleriniń zańsyz áreketteri anyqtaldy. Meditsina mamandary vaktsinalaý týraly jalǵan pasporttar satqan. Olardyń quny 15 myń teńge turatyny týraly boljam bar.
«Meditsina qyzmetkerleri, sonyń ishinde bas dárigerlerdiń mundai áreketi jappai vaktsinatsiia protsesin báseńdetedi. Sebebi bul jaǵdaida dári-dármekterdi, jeke qorǵanys quraldaryn jáne meditsinalyq maqsattaǵy buiymdardy satyp alýdy josparlaý bóliginde statistika ózgeredi. Bul strategiianyń kemshilikterine ákeledi. Ol qazirdiń ózinde saiasi másele. Vaktsinalardy satyp alýǵa biýdjetten kóp qarjy bólinedi. Bulai pasport satylatyn bolsa, salyq tóleýshilerdiń aqshasy bosqa ketedi. Bul Almatydaǵy birinshi jaǵdai emes ekenin eskere otyryp, mundai jaǵdailardyń aýqymy men jiiligine boljam jasaýǵa bolady», - delingen jazbada.
Almaty qalasy Qoǵamdyq densaýlyq saqtaý departamenti meditsina qyzmetkerleriniń zańsyz áreketterin quqyq qorǵaý organdary tekserip jatqanyn habarlady.
№4 emhananynyń meditsina qyzmetkerleriniń jalǵan vaktsinatsiia pasportyn satý faktisi boiynsha materialdar quqyq qorǵaý organdaryna berildi», - dep habarlady Qalalyq densaýlyq saqtaý basqarmasynan.
