Almatyda saýda ortalyqtarynyń biriniń avtoturaǵynda qaýipti drift jasaǵan júrgizýshi ákimshilik jaýapkershilikke tartyldy. Onyń kóligi arnaiy aiyp turaǵyna qoiyldy, dep habarlaidy ult.kz.
Qalalyq politsiia departamentiniń málimetinshe, jol qozǵalysy erejesin óreskel buzǵan 28 jastaǵy qala turǵynyn Jetisý aýdandyq politsiia qyzmetkerleri anyqtap, ustaǵan.
Júrgizýshige Ákimshilik quqyq buzýshylyq týraly kodekstiń eki baby boiynsha hattama toltyryldy. Sonymen qatar onyń avtokóligi arnaiy aiyp turaǵyna jetkizildi.
Politsiia qoǵamdyq oryndarda, avtoturaqtarda jáne ortaq paidalanylatyn joldarda drift jasaý ainaladaǵy adamdardyń ómiri men densaýlyǵyna qaýip tóndiretinin eskertip, mundai zańbuzýshylyqtarǵa qatań shara qoldanylatynyn málimdedi.
Aita keteiik, buǵan deiin de Almatyda túngi ýaqytta BMW avtokóligimen drift jasaǵan júrgizýshi ákimshilik jaýapkershilikke tartylǵan bolatyn.
