Almatyda sý basý qaýpi bar aimaqtar kommýnaldyq qyzmetterdiń baqylaýynda, dep habarlaidy "Ult aqparat".
Qalalyq ákimdiktiń málimetinshe, kommýnaldyq qyzmettteriniń jáne aýdandyq Tótenshe jaǵdailar basqarmalarynyń kúshteri men quraldary qaýipti aimaqtarǵa aldyn ala jiberildi. Jaýyn-shashynǵa deiin inertti materialdar daiyn boldy.
Búgin 16 tamyz kúni sý basyp qalǵan 10 oqiǵa tirkeldi, onyń 5-i qalpyna keltirildi. Qalǵan 5 mekenjaida sýdy sorý jáne aryqtardy tazartý jumystary jalǵasyp jatyr.
Medeý aýdanyna qarasty Esenberlin kóshesindegi № 221 úidiń janynda sý jinalyp qaldy. Munda kommýnaldyq uiymdardyń qyzmetkerleri aryq jelisin tazartyp jatyr.
Sonymen qatar, Ó. Jánibekov kóshesindegi 76-úidiń aýlasyna da sý jinalyp qalǵan. Bul jerde kommýnaldyq uiymdardyń qyzmetkerleri jumys isteýde.
Almaly aýdanynyń Abai dańǵyly boiyndaǵy Naýryzbai batyr kóshesiniń qiylysynda, Muqanov kóshesindegi 172-úidiń janynda; Brýno kóshesindegi 1-úidiń janynda jinalǵan sý sorǵyzylyp, aryq jelisi tazartylyp jatyr.
Rozybakiev kóshesi 5 «a», Qarasai batyr kóshesi 315; Brýsilovskii kóshesi 100a-úiindegi aýlada sý jinalǵan. Bul jerlerge de kommýnaldyq uiymdardyń kúshteri jiberildi.
Alataý aýdanynda kommýnaldyq qyzmetter «Qarasý» shaǵynaýdanyndaǵy Aralqum kóshesindegi 22-úige bardy.
Jetisý aýdanynda Raiymbek dańǵylyndaǵy «Nurym» meiramhanasynyń aýmaǵynda injenerlik kommýnikatsiialar jumys istep jatyr.
Sý basyp qalýdyń basty sebebi – aryq jelisin turmystyq qaldyq bitep tastaǵan.
Eske salsaq, buǵan deiin TJD 2021 jylǵy 14 tamyzdaǵy №28 eskertýi boiynsha kei jerlerde jaýyn-shashynnyń, betkeilerde kóshkinniń bolýy múmkin ekenin, ózenderde sý deńgeiiniń kóterilgenin habarlaǵan bolatyn.
