Almatyda tolassyz jaýǵan jaýynnan kóshelerdi sý basty, dep habarlaidy "Ult aqparat".
Sý astynda qalǵan kóshelerdegi kórinisti turǵyndar sýretke, videoǵa túsirip, áleýmettik jelige jariialap jatyr.
Aǵyn sý aryqtan asyp trotýarlarǵa jaiylyp ketken. Ásirese kópirlerdiń asty men sailarda sý tizege jetip qalady.
Tańǵy saǵat 10:00-degi aqparat boiynsha myna mekenjailardy sý basty:
Medeý aýdany - Elektr qýatynyń bolmaýyna bailanysty ál-Farabi men Nazarbaev dańǵyldarynyń qiylysyndaǵy kópir astynda sorǵy sónip, sý jinaldy. Qazirgi ýaqytta aýdandyq kommýnaldyq qyzmetter sol jerde jumys istep jatyr («Almaty tazalyq», Almaty sý, Qutqarý qyzmeti 109,) 2 arnaiy tehnika men 6 motosorǵy iske qosyldy. Sorǵy stantsiiasy da qosylǵan.
Almaly aýdany – Sý basqan S.Muqanov kóshesinde «Almaty tazalyq» kompaniiasynyń qyzmetkerleri jumys istep, jumysty aiaqtady. 30 qap inertti material paidalanyldy.
Bostandyq aýdany - Esenaliev kóshesi 33-úidiń jertólesine sý jinaldy, sý aryq júiesine buryldy, 40 qap qoldanyldy.
M.Áýezov aýdany - 9-yqshamaýdandaǵy 51-úidiń jertólesin sý basty. «Almaty tazalyq» qyzmetkerleri jumys júrgizdi.
Túrksib aýdanynda - «Qairat 93» yqshamaýdany boiynsha JTÚ aýlasyn sý basty, «Almaty tazalyq» qyzmetkerleri jumys júrgizip, aiaqtady.
Almatyda keshe túnde bastalǵan jańbyr áli de tolassyz jaýyp tur.
