الماتىدا تولاسسىز جاۋعان جاۋىننان كٶشەلەردٸ سۋ باستى, دەپ حابارلايدى "ۇلت اقپارات".
سۋ استىندا قالعان كٶشەلەردەگٸ كٶرٸنٸستٸ تۇرعىندار سۋرەتكە, ۆيدەوعا تٷسٸرٸپ, ەلەۋمەتتٸك جەلٸگە جارييالاپ جاتىر.
اعىن سۋ ارىقتان اسىپ تروتۋارلارعا جايىلىپ كەتكەن. ەسٸرەسە كٶپٸرلەردٸڭ استى مەن سايلاردا سۋ تٸزەگە جەتٸپ قالادى.
تاڭعى ساعات 10:00-دەگٸ اقپارات بويىنشا مىنا مەكەنجايلاردى سۋ باستى:
مەدەۋ اۋدانى - ەلەكتر قۋاتىنىڭ بولماۋىنا بايلانىستى ەل-فارابي مەن نازارباەۆ داڭعىلدارىنىڭ قيىلىسىنداعى كٶپٸر استىندا سورعى سٶنٸپ, سۋ جينالدى. قازٸرگٸ ۋاقىتتا اۋداندىق كوممۋنالدىق قىزمەتتەر سول جەردە جۇمىس ٸستەپ جاتىر («الماتى تازالىق», الماتى سۋ, قۇتقارۋ قىزمەتٸ 109,) 2 ارنايى تەحنيكا مەن 6 موتوسورعى ٸسكە قوسىلدى. سورعى ستانتسيياسى دا قوسىلعان.
المالى اۋدانى – سۋ باسقان س.مۇقانوۆ كٶشەسٸندە «الماتى تازالىق» كومپانيياسىنىڭ قىزمەتكەرلەرٸ جۇمىس ٸستەپ, جۇمىستى اياقتادى. 30 قاپ ينەرتتٸ ماتەريال پايدالانىلدى.
بوستاندىق اۋدانى - ەسەناليەۆ كٶشەسٸ 33-ٷيدٸڭ جەرتٶلەسٸنە سۋ جينالدى, سۋ ارىق جٷيەسٸنە بۇرىلدى, 40 قاپ قولدانىلدى.
م.ەۋەزوۆ اۋدانى - 9-ىقشاماۋدانداعى 51-ٷيدٸڭ جەرتٶلەسٸن سۋ باستى. «الماتى تازالىق» قىزمەتكەرلەرٸ جۇمىس جٷرگٸزدٸ.
تٷركسٸب اۋدانىندا - «قايرات 93» ىقشاماۋدانى بويىنشا جتٷ اۋلاسىن سۋ باستى, «الماتى تازالىق» قىزمەتكەرلەرٸ جۇمىس جٷرگٸزٸپ, اياقتادى.
الماتىدا كەشە تٷندە باستالعان جاڭبىر ەلٸ دە تولاسسىز جاۋىپ تۇر.
