Almatydaǵy Dostyq úiinde Abaidyń 175 jyldyǵyna arnalǵan «Sózdiń arheologiiasy: tilder, jazba eskertkishter jáne tarih» atty halyqaralyq konferentsiia ótip jatyr, dep habarlaidy QazAqparat tilshisi.
Koronavirýstyń taralýynan týyndaǵan álemdegi kúrdeli epidemiologiialyq jaǵdaiǵa bailanysty konferentsiia onlain-formatta ótip jatyr.
Konferentsiianyń maqsaty – til biliminde bar tujyrymdamalyq negizderdi, empirikalyq materialdy jáne lingvistikalyq gipotezalardy paiymdaý jáne osy saladaǵy jetekshi mamandardy dialogqa shaqyrý. Sonymen qatar, Homo Sapiens – oishyl adamnyń tarihyn qaita qurýǵa múmkindik beretin «sóz arheologiiasyn» ázirleý.
Shara uiymdastyrýshylarynyń biri, aqyn Oljas Súleimenov konferentsiianyń mańyzdylyǵyna toqtaldy.
«Bul konferentsiianyń bereri mol. Búgin kóterilip otyrǵan máseleler men usynystar óz nátijiesin beredi degen oidamyn. Bárimiz ortaq qorytyndyǵa kelemiz dep senemin «, - dedi O.Súleimenov.
Konferentsiia aiasynda 3 sektsiianyń jumysy josparlanǵan:
1.Tilderdiń paida bolý tarihy, glottogenez máseleleri, onyń sebepteri, jergilikti erekshelikteri, dálel bazasy, shýmerologiianyń empirikalyq múmkindikteri, etrýskologiia, akkadologiia, sako-skifologiia, avestologiia, hettologiia, gýnnologiia jáne ejelgi jazýdyń naqty júielerin zertteýdiń basqa salalary, sondai-aq mádenietter jaqyndastyǵynyń materialdyq dáleli bolyp tabylatyn kóne, orta ǵasyrlar jáne qazirgi zamanǵy jazba eskertkishteri zertteledi;
2. Sóz kody: tańbalyq júieler, jazýdaǵy tańbalar, salt-dástúrlerdegi, siýjetterdegi jáne ertedegi adamzattyń dini artefaktilerindegi simvoldar, aýyzsha jáne jazbasha dástúrler dialogy, sondai-aq "sóz arheologiiasynyń" jańa tásilderin paidalana otyryp, ǵylymi kadrlar daiarlaý máseleleri;
3. Til jáne oilaý, onyń negizinde álemniń lingvistikalyq beinesin zertteý aspektileri, planetarlyq sanany qalyptastyrýdaǵy sóileý mátinderi men sotsiolektilerdiń orny jáne "sóz arheologiiasynyń" jańa tásilderin eskere otyryp, arhetipterdi modeldik taldaýdy júzege asyratyn proto - jáne tildik ortaqtyqtardy qaita quratyn etimologiialyq zertteýler talqylanatyn bolady.
