الماتىداعى دوستىق ٷيٸندە ابايدىڭ 175 جىلدىعىنا ارنالعان «سٶزدٸڭ ارحەولوگيياسى: تٸلدەر, جازبا ەسكەرتكٸشتەر جەنە تاريح» اتتى حالىقارالىق كونفەرەنتسييا ٶتٸپ جاتىر, دەپ حابارلايدى قازاقپارات تٸلشٸسٸ.
كوروناۆيرۋستىڭ تارالۋىنان تۋىنداعان ەلەمدەگٸ كٷردەلٸ ەپيدەميولوگييالىق جاعدايعا بايلانىستى كونفەرەنتسييا ونلاين-فورماتتا ٶتٸپ جاتىر.
كونفەرەنتسييانىڭ ماقساتى – تٸل بٸلٸمٸندە بار تۇجىرىمدامالىق نەگٸزدەردٸ, ەمپيريكالىق ماتەريالدى جەنە لينگۆيستيكالىق گيپوتەزالاردى پايىمداۋ جەنە وسى سالاداعى جەتەكشٸ مامانداردى ديالوگقا شاقىرۋ. سونىمەن قاتار, Homo Sapiens – ويشىل ادامنىڭ تاريحىن قايتا قۇرۋعا مٷمكٸندٸك بەرەتٸن «سٶز ارحەولوگيياسىن» ەزٸرلەۋ.
شارا ۇيىمداستىرۋشىلارىنىڭ بٸرٸ, اقىن ولجاس سٷلەيمەنوۆ كونفەرەنتسييانىڭ ماڭىزدىلىعىنا توقتالدى.
«بۇل كونفەرەنتسييانىڭ بەرەرٸ مول. بٷگٸن كٶتەرٸلٸپ وتىرعان مەسەلەلەر مەن ۇسىنىستار ٶز نەتيجيەسٸن بەرەدٸ دەگەن ويدامىن. بەرٸمٸز ورتاق قورىتىندىعا كەلەمٸز دەپ سەنەمٸن «, - دەدٸ و.سٷلەيمەنوۆ.
كونفەرەنتسييا اياسىندا 3 سەكتسييانىڭ جۇمىسى جوسپارلانعان:
1.تٸلدەردٸڭ پايدا بولۋ تاريحى, گلوتتوگەنەز مەسەلەلەرٸ, ونىڭ سەبەپتەرٸ, جەرگٸلٸكتٸ ەرەكشەلٸكتەرٸ, دەلەل بازاسى, شۋمەرولوگييانىڭ ەمپيريكالىق مٷمكٸندٸكتەرٸ, ەترۋسكولوگييا, اككادولوگييا, ساكو-سكيفولوگييا, اۆەستولوگييا, حەتتولوگييا, گۋننولوگييا جەنە ەجەلگٸ جازۋدىڭ ناقتى جٷيەلەرٸن زەرتتەۋدٸڭ باسقا سالالارى, سونداي-اق مەدەنيەتتەر جاقىنداستىعىنىڭ ماتەريالدىق دەلەلٸ بولىپ تابىلاتىن كٶنە, ورتا عاسىرلار جەنە قازٸرگٸ زامانعى جازبا ەسكەرتكٸشتەرٸ زەرتتەلەدٸ;
2. سٶز كودى: تاڭبالىق جٷيەلەر, جازۋداعى تاڭبالار, سالت-دەستٷرلەردەگٸ, سيۋجەتتەردەگٸ جەنە ەرتەدەگٸ ادامزاتتىڭ دٸني ارتەفاكتٸلەرٸندەگٸ سيمۆولدار, اۋىزشا جەنە جازباشا دەستٷرلەر ديالوگى, سونداي-اق "سٶز ارحەولوگيياسىنىڭ" جاڭا تەسٸلدەرٸن پايدالانا وتىرىپ, عىلىمي كادرلار دايارلاۋ مەسەلەلەرٸ;
3. تٸل جەنە ويلاۋ, ونىڭ نەگٸزٸندە ەلەمنٸڭ لينگۆيستيكالىق بەينەسٸن زەرتتەۋ اسپەكتٸلەرٸ, پلانەتارلىق سانانى قالىپتاستىرۋداعى سٶيلەۋ مەتٸندەرٸ مەن سوتسيولەكتٸلەردٸڭ ورنى جەنە "سٶز ارحەولوگيياسىنىڭ" جاڭا تەسٸلدەرٸن ەسكەرە وتىرىپ, ارحەتيپتەردٸ مودەلدٸك تالداۋدى جٷزەگە اسىراتىن پروتو - جەنە تٸلدٸك ورتاقتىقتاردى قايتا قۇراتىن ەتيمولوگييالىق زەرتتەۋلەر تالقىلاناتىن بولادى.
