Foto: ashyq derekkóz
Almaty qalasynda halyqaralyq jarystarda el namysyn qorǵaǵan ardager-sportshy ózine tiesili aqshalai syiaqyny sot arqyly óndirip aldy, dep habarlaidy Ult.kz.
Sportshy 2017 jáne 2018 jyldary Bolgariianyń Plovdiv jáne Reseidiń Perm qalalarynda ótken grek-rim kúresinen ardagerler arasyndaǵy álem chempionatynda («S» diviziony) birinshi jáne ekinshi oryndardy ielengen. 2018 jyly oǵan Qazaqstan Respýblikasynyń halyqaralyq sport sheberi ataǵy berilgen.
Alaida ýákiletti organ talap qoiý merziminiń ótip ketkenin alǵa tartyp, júldeli oryndarǵa beriletin aqshalai yntalandyrýdy tóleýden bas tartqan. Buǵan kelispegen sportshy sotqa júgingen.
Almaty qalasynyń mamandandyrylǵan aýdanaralyq ákimshilik soty is materialdaryn qarastyra kele, talap qoiýshynyń joǵary sanatty sportshy ekenin jáne onyń jetistikteri Federatsiianyń resmi qujattarymen rastalǵanyn anyqtady.
Sot salalyq zańnama halyqaralyq jarystarda Qazaqstannyń atynan óner kórsetip, júldeger atanǵan ardager-sportshylarǵa syiaqy tóleýge tyiym salmaitynyn atap ótti. Sondai-aq ýákiletti organnyń talap qoiý merzimine qatysty ýáji jaramsyz dep tanyldy, sebebi azamattyq zańnama ákimshilik baǵynystylyqqa qatysty qatynastarǵa qoldanylmaidy. Budan bólek, sol kezeńdegi Erejeler tólem alýǵa ótinish berý merzimin belgilemegen.
Nátijesinde sot memlekettik organnyń bas tartýyn zańsyz dep tanyp, sportshyǵa tiesili aqshalai syiaqyny tóleýge mindettedi. Sonymen qatar talap qoiýshyǵa tólengen memlekettik bajdy qaitarý týraly sheshim shyǵaryldy.
Apelliatsiialyq instantsiia birinshi satydaǵy sottyń sheshimin ózgerissiz qaldyrdy. Sheshim zańdy kúshine endi.
