فوتو: اشىق دەرەككٶز
الماتى قالاسىندا حالىقارالىق جارىستاردا ەل نامىسىن قورعاعان ارداگەر-سپورتشى ٶزٸنە تيەسٸلٸ اقشالاي سىياقىنى سوت ارقىلى ٶندٸرٸپ الدى, دەپ حابارلايدى Ult.kz.
سپورتشى 2017 جەنە 2018 جىلدارى بولگارييانىڭ پلوۆديۆ جەنە رەسەيدٸڭ پەرم قالالارىندا ٶتكەن گرەك-ريم كٷرەسٸنەن ارداگەرلەر اراسىنداعى ەلەم چەمپيوناتىندا («س» ديۆيزيونى) بٸرٸنشٸ جەنە ەكٸنشٸ ورىنداردى يەلەنگەن. 2018 جىلى وعان قازاقستان رەسپۋبليكاسىنىڭ حالىقارالىق سپورت شەبەرٸ اتاعى بەرٸلگەن.
الايدا ۋەكٸلەتتٸ ورگان تالاپ قويۋ مەرزٸمٸنٸڭ ٶتٸپ كەتكەنٸن العا تارتىپ, جٷلدەلٸ ورىندارعا بەرٸلەتٸن اقشالاي ىنتالاندىرۋدى تٶلەۋدەن باس تارتقان. بۇعان كەلٸسپەگەن سپورتشى سوتقا جٷگٸنگەن.
الماتى قالاسىنىڭ مامانداندىرىلعان اۋدانارالىق ەكٸمشٸلٸك سوتى ٸس ماتەريالدارىن قاراستىرا كەلە, تالاپ قويۋشىنىڭ جوعارى ساناتتى سپورتشى ەكەنٸن جەنە ونىڭ جەتٸستٸكتەرٸ فەدەراتسييانىڭ رەسمي قۇجاتتارىمەن راستالعانىن انىقتادى.
سوت سالالىق زاڭناما حالىقارالىق جارىستاردا قازاقستاننىڭ اتىنان ٶنەر كٶرسەتٸپ, جٷلدەگەر اتانعان ارداگەر-سپورتشىلارعا سىياقى تٶلەۋگە تىيىم سالمايتىنىن اتاپ ٶتتٸ. سونداي-اق ۋەكٸلەتتٸ ورگاننىڭ تالاپ قويۋ مەرزٸمٸنە قاتىستى ۋەجٸ جارامسىز دەپ تانىلدى, سەبەبٸ ازاماتتىق زاڭناما ەكٸمشٸلٸك باعىنىستىلىققا قاتىستى قاتىناستارعا قولدانىلمايدى. بۇدان بٶلەك, سول كەزەڭدەگٸ ەرەجەلەر تٶلەم الۋعا ٶتٸنٸش بەرۋ مەرزٸمٸن بەلگٸلەمەگەن.
نەتيجەسٸندە سوت مەملەكەتتٸك ورگاننىڭ باس تارتۋىن زاڭسىز دەپ تانىپ, سپورتشىعا تيەسٸلٸ اقشالاي سىياقىنى تٶلەۋگە مٸندەتتەدٸ. سونىمەن قاتار تالاپ قويۋشىعا تٶلەنگەن مەملەكەتتٸك باجدى قايتارۋ تۋرالى شەشٸم شىعارىلدى.
اپەللياتسييالىق ينستانتسييا بٸرٸنشٸ ساتىداعى سوتتىڭ شەشٸمٸن ٶزگەرٸسسٸز قالدىردى. شەشٸم زاڭدى كٷشٸنە ەندٸ.
