Foto: Qorǵanys ministrligi
Respýblika kúninde Uly Otan soǵysynyń ardageri Qambar Sársenov 101 jasqa toldy. Bul týraly Ult.kz Qorǵanys ministrligine silteme jasap habarlaidy.
Qariiany qos merekemen Desanttyq-shabýyldaý áskerleriniń qolbasshylyǵy, Medeý aýdandyq qorǵanys isteri jónindegi basqarmasynyń áskeri qyzmetshileri jáne "Qarýly kúshterdiń ardagerleri" respýblikalyq qoǵamdyq birlestigi Almaty qalalyq filialy tóraǵasynyń orynbasary Tólegen Mustafin quttyqtap bardy.
Qambar Sársenovke Qorǵanys ministriniń atynan Otan aldyndaǵy eńbegi úshin alǵys bildirgen quttyqtaý haty tabystaldy.
Ol 1924 jylǵy 25 qazanda Qostanai oblysynda dúniege kelgen. 1942 jyly ásker qataryna shaqyrylyp, oqý-jattyǵýdan keiin maidanǵa attanǵan. Qambar Sársenov Belarýs, Latviia jáne Litva jerlerinde shaiqasyp, Kenigsbergti alý operatsiiasyna qatysqan, úsh ret jaralanǵan.
Maidanger I, II dárejeli Otan soǵysy, II, III dárejeli Dańq jáne "Qyzyl Juldyz" ordenderimen, sondai-aq kóptegen medaldarmen marapattalǵan. Ardager Vitebsk Qyzyl Tý ordendi, Sývorov ordendi 51-atqyshtar diviziiasynyń 30-jeke barlaý rotasynda qyzmet etip, "qarsylasty" ustap alǵany úshin eki ordenmen nagradtalǵan.
Soǵystan keiin Qambar Sársenov ishki ister organdarynda qyzmet atqaryp, keiin Almatynyń energetika salasynda uzaq jyl eńbek etken.
